پاکستان اسٹاک ایکسچینج میں نئے مالی سال 2025-26ء کے آغاز پر زبردست تیزی دیکھنے کو ملی۔ کاروباری ہفتے کے دوسرے روز کے آغاز پر ہی کے ایس ای 100 انڈیکس میں 1700 سے زائد پوائنٹس کا اضافہ ہوا اور انڈیکس 1 لاکھ 27 ہزار 348 پوائنٹس کی تاریخی سطح پر پہنچ گیا۔
سرمایہ کاروں کی جانب سے بھرپور خریداری خاص طور پر آٹو موبائل، بینکنگ، تیل و گیس اور توانائی کے شعبوں میں دیکھی گئی۔ حبکو، ماری پیٹرولیم، پی آر ایل، پی او ایل، ایم سی بی، میزان بینک اور نیشنل بینک کی ٹریڈنگ مثبت رہی۔
واضح رہے کہ پیر کو بھی مالی سال 2024-25ء کے اختتام پر مارکیٹ میں تیزی کا رجحان رہا اور انڈیکس 1248 پوائنٹس بڑھ کر بلند ترین سطح پر بند ہوا تھا۔
