پنجاب کے دارالحکومت لاہور سمیت قصور، اوکاڑہ اور شیخوپورہ میں زلزلے کے جھٹکوں نے شہریوں میں خوف و ہراس پھیلا دیا۔ لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔
دو روز قبل بلوچستان کے ضلع موسیٰ خیل اور گردونواح میں بھی شدید زلزلے سے درجنوں مکانات تباہ ہوئے تھے اور کئی افراد زخمی ہوئے تھے۔ زلزلے کی شدت ریکٹر اسکیل پر 5.5 ریکارڈ کی گئی جبکہ اس کی گہرائی 28 کلومیٹر تھی۔
زلزلے کے نتیجے میں متاثرہ علاقوں میں امدادی کارروائیاں جاری ہیں، اب تک 21 مکانات مکمل تباہ جبکہ پانچ کو جزوی نقصان پہنچا۔ ضلعی انتظامیہ اور پی ڈی ایم اے نے فوری اقدامات کرتے ہوئے زخمیوں کو اسپتال منتقل کیا اور متاثرہ گھروں کا سروے شروع کر دیا ہے۔
