پولیو کا ایک کیس سامنے آگیا، مجموعی تعداد 13 ہوگئی
28 جون ، 2025FacebookTwitterWhatsapp
پشاور(-رواں سال کا 13واں پولیو کیس خیبرپختونخوا کے ضلع ٹانک سے رپورٹ ہوگیا ہے۔نیشنل ای او سی کے مطابق پاکستان میں پولیو کیسز کی مجموعی تعداد 13 ہوگئی ہے۔ قومی ادارہ صحت میں قائم پولیو لیبارٹری نے خیبر پختونخوا میں 18 سالہ متاثرہ لڑکی میں پولیو کی تصدیق کیاورکہا کہ والدین پولیو وائرس کے خطرے کو سنجیدہ لیں۔نیشنل ای او سی کا کہنا تھا کہ جنوبی خیبرپختونخوا کے بعض علاقوں میں رسائی میں مشکلات کا سامنا ہے۔
====================
گریڈ 18 سے 19 میں ترقی کیلئے لازمی MCMC کیلئے 131 افسران نامزد
28 جون ، 2025FacebookTwitterWhatsapp
اسلام آ باد ( رانا غلام قادر )وفاقی و صوبائی افسران کی گریڈ 18 سے 19 میں ترقی کیلئے لازمی (MCMC)مڈ کیرئیر مینجمنٹ کورس کیلئے اسٹیبلشمنٹ ڈویژن نے گریڈ 18 کے 131 افسران کو نامزد کردیا ہے۔ اس حوالے سے اسٹیبلشمنٹ ڈویژن نے ریکٹر نیشنل اسکول آف پبلک پالیسی لاہور کو مراسلہ ارسال کر دیا ہے۔ یہ تربیتی کورس نیشنل انسٹیٹیوٹ آف پبلک ایڈمنسٹریشن (نِیپا) کراچی، لاہور، اسلام آباد، پشاور اور کوئٹہ میں 28 جولائی 2025 سے 3 اکتوبر 2025 تک منعقد ہو گا، کورس کیلئے پاکستان ایڈمنسٹریٹو سروس کے 25افسران کو نامزد کیا گیا ہے۔
