Report Sabih Salik
پاکستانی شوبز کی معروف شخصیت، اداکار، میزبان اور ہدایتکار یاسر حسین نے ساتھی فنکارہ ہانیہ عامر کی حمایت میں ایک خاص پیغام دیا جو سوشل میڈیا پر خاصی توجہ کا مرکز بنا ہوا ہے۔
انسٹاگرام پر اپنی انسٹا اسٹوری میں یاسر حسین نے ہانیہ عامر کی نئی بھارتی فلم کی ریلیز پر دلچسپ انداز میں ان کی حمایت کی، اور اپنے مداحوں سے درخواست کی کہ وہ فلم کو سپورٹ کریں۔ ساتھ ہی انہوں نے پاکستانی انداز میں پڑوسی ملک کا خیرمقدم کرنے کی بات بھی کی۔
ہانیہ عامر کی فلم ’سردار جی 3‘، جو کہ کئی تنازعات کے باوجود بھارت سمیت دنیا بھر میں آج ریلیز ہو رہی ہے، پاکستانی سینسر بورڈ کی اجازت کے بعد ملک میں بھی نمائش کے لیے پیش کی گئی ہے، حالانکہ بھارتی فلموں پر پابندی جاری ہے۔
یاسر حسین نے انسٹا اسٹوری میں لکھا کہ ہانیہ نے بھارت جانے کے بجائے گلشن گروور، نیرو باجوہ اور دلجیت دوسانجھ جیسے فنکاروں کو پاکستان لے کر آئی ہے۔ انہوں نے مزید کہا کہ چلیں، پڑوسیوں کو پاکستانی انداز میں خوش آمدید کہتے ہیں۔
