ترکیہ نے دنیا بھر کے سیاحوں کو متوجہ کرنے کیلئے اپنی پہلی منی سریز انطالیہ گیمبٹ متعارف کرادی

کراچی،23جون، 2025۔ ترکیہ نے دنیابھرمیں سیاحت کے فروغ اورسیاحوں کو متوجہ کرنے کیلئے اپنی پہلی اوریجنل منی سیریز انطالیہ گیمبٹ(Antalya Gambit) عالمی سطح پر ریلیز کردی ہے۔ یہ سیریز 7 جون 2025 کو عالمی سطح پر ریلیز کی گئی، جس کا مقصد بحیرہ روم کے دلچسپ پس منظر میں انطالیہ کی بھرپور ثقافت، دلکش مناظر اور پُرتعیش طرزِ زندگی کو دنیا کے سامنے پیش کرنا ہے۔Dass Yapim کی پروڈکشن اور برتان باشاران کی ہدایت کاری کے ساتھ یہ منی سیریز 10 اقساط پر مشتمل ہے جو ترکیہ کی نرم طاقت کو فروغ دینے کی جانب ایک بڑا قدم ہے۔ ترک ڈراموں کا پاکستانی شائقین کے دلوں میں ایک خاص مقام ہے اور انطالیہ گیمبٹ سیریز ملک بھر میں ناظرین کے لئے اسی سلسلے کی ایک نئی اور دلچسپ کڑی ثابت ہوسکتی ہے۔

انطالیہ گیمبٹ کی کہانی لارا (جسے مریم عزیرلی نے ادا کیا ہے) ایک مشہور فن پاروں کی ماہر ہے اور اور ڈینز (اداکار کان اُورگانجی اوغلو) ایک پراسرار آرکیٹیکٹ کے گرد گھومتی ہے، جن کی اچانک ملاقات راز، پسندیدگی اور دھوکے کے ایک پرجوش کھیل میں بدل جاتی ہے۔

یہ سیریز 10 اقساط پر مشتمل ہے، جن میں ہر قسط 2 منٹ کی جھلک پیش کرتی ہے۔ انطالیہ گیمبٹ سیریز ناظرین کو انطالیہ کے دلچسپ گوشوں کی سیر کراتی ہے۔ بیلیک کے لگژری گالف ریزورٹس سے لے کر کالیچی کی خوبصورت گلیاں، پرجے اور فاسیلیس کے آثار قدیمہ، اور الگ تھلگ پورٹو چینویز بے تک مختلف مقامات سے لوگ محظوظ ہوسکتے ہیں۔ یہ سیریز سیر و سیاحت کے شوق کو جگاتی ہے اور انطالیہ کی ثقافت، تاریخ اور فطری خوبصورتی کو نمایاں کرتی ہے۔

یہ پروجیکٹ Dass Yapim کی جانب سے تیار کیا گیا ہے اور برتان باشاران نے اس کی ہدایت کاری سرانجام دی ہے۔ مرکزی کرداروں کے ساتھ ساتھ روسی اداکارہ لانا انوسووا اور مزاحیہ ترک اداکار یاووز سیچکِن بھی اس سیریز میں شامل ہیں۔

انطالیہ اپنے چمکتے ساحلوں، تاریخی مقامات اور بحیرہ روم کے طرزِ زندگی کے باعث پاکستان سمیت دنیا بھر کے سیاحوں کا طویل عرصے تک پسندیدہ مقام رہا ہے۔ یہ سیریز شہر میں ہر مسافر کے لئے آرام، ایڈونچر اور ثقافت کے خوبصورتی سے امتزاج کو اجاگر کرتی ہے۔

انطالیہ گیمبٹ سیریز محض تفریح تک محدودنہیں ہے، بلکہ ترکیہ کے شاندار خطے کو دریافت کرنے کی دعوت دیتی ہے۔