Report Sabih Salik
کراچی — پاکستانی شوبز انڈسٹری کے معروف فلمساز و اداکار یاسر نواز کے بھائی وقار نواز آج کراچی میں انتقال کر گئے۔ یاسر نواز نے اپنی انسٹاگرام اسٹوری کے ذریعے اس افسوسناک خبر کا اعلان کیا اور بھائی کی مغفرت، جنت میں اعلیٰ مقام اور اہل خانہ کے لیے صبر کی دعا کی درخواست کی۔
نماز جنازہ آج 24 جون 2025 بروز پیر بعد نماز ظہر، رحمانیہ مسجد، طارق روڈ کراچی میں ادا کی جائے گی۔ یاسر نواز نے مداحوں اور سوشل میڈیا صارفین سے وقار نواز کے لیے دعاؤں کی اپیل بھی کی۔
وقار نواز کے انتقال کی خبر نے شوبز حلقوں اور مداحوں کو غمزدہ کر دیا ہے، جہاں فنکاروں اور قریبی احباب کی جانب سے تعزیت اور ہمدردی کا سلسلہ جاری ہے۔
