امریکا کا کہنا ہے کہ وہ آپریشن ‘رائزنگ لائن’ میں شامل نہیں
امریکی وزیر خارجہ مارکو روبیو نے کہا ہے کہ اسرائیل نے یکطرفہ کارروائی کی کیونکہ اس کا خیال ہے کہ یہ آپریشن خود دفاع کے لیے ضروری تھا۔
روبیو نے ایک بیان میں کہا، “آج رات، اسرائیل نے ایران کے خلاف یکطرفہ کارروائی کی۔ ہم ایران پر ہونے والے حملوں میں شامل نہیں ہیں، اور ہمارا اولین مقصد خطے میں امریکی فوجیوں کی حفاظت ہے۔”
انہوں نے مزید کہا، “میں واضح کر دوں کہ ایران کو امریکی مفادات یا عملے کو نشانہ نہیں بنانا چاہیے۔ ہم اپنے مفادات کے تحفظ کے لیے ہر ضروری اقدام کریں گے۔”
خیال رہے کہ اسرائیلی فضائیہ نے ایران کے اندر موجود کچھ اہداف پر حملہ کیا ہے، جس کے بعد خطے میں کشیدگی بڑھ گئی ہے۔ ایران کی جانب سے اب تک کوئی سرکاری ردعمل سامنے نہیں آیا، لیکن ماہرین کے مطابق اس واقعے کے بعد دونوں ممالک کے درمیان تناؤ مزید بڑھ سکتا ہے۔
امریکا نے اپنی غیر جانبداری کا اظہار کرتے ہوئے ایک بار پھر امن اور استحکام پر زور دیا ہے۔ بین الاقوامی برادری نے بھی فوری طور پر گفت و شنید کی اپیل کی ہے تاکہ صورتحال مزید سنگین نہ ہو۔
امریکا نے ایران پر اسرائیلی حملے میں ردعمل دیتے ہوئے کہا کہ ہم ایران کے خلاف حملوں میں ملوث نہیں، اسرائیل نے ایران کے خلاف یکطرفہ کارروائی کی ہے۔
ایران پر جمعہ کی علی الصبح اسرائیل کے درجنوں مقامات پر فضائی حملے کیے، اسرائیل نے پاسداران انقلاب کے صدر دفتر کو بھی نشانہ بنایا جس میں پاسداران انقلاب کے کمانڈر حسین سلامی، جوہری سائنسدان فریدون عباسی اور محمد مہدی شہید ہوگئے۔
ایران پر اسرائیلی حملے کے بعد امریکی وزیر خارجہ مارکو روبیو نے اہم بیان جاری کیا جس میں کہا ہے کہ اسرائیل نےایران کے خلاف یکطرفہ کارروائی کی ہے امریکا ایران کے خلاف حملوں میں ملوث نہیں ہے۔
یہ بھی پڑھیں: اسرائیلی حملے میں پاسداران انقلاب کے سربراہ اور جوہری سائنسدان شہید
امریکی وزیر خارجہ نے کہا کہ ہماری ترجیح خطے میں امریکی افواج کا تحفظ ہے، اسرائیل نے ہم سے کہا کہ ایران کیخلاف کارروائی اپنے دفاع کیلئے ضروری تھی۔
واضح رہے کہ اسرائیل نے ایران کے خلاف باقاعدہ جنگ کا آغاز کر دیا ہے، فضائی حملوں میں جوہری اور 6 فوجی ادون کو نشانہ بنایا گیا۔
اسرائیل نے جمعہ کی صبح درجنوں مقامات پر فضائی حملے کیے، دارالحکومت تہران کے شمال مشرقی علاقے میں بھی دھماکوں کی زور دار آوازیں سنی گئیں۔
مزید تفصیلات آنے والے گھنٹوں میں سامنے آ سکتی ہیں۔
