چیئرمین ناظم آباد ٹاؤن سید محمد مظفر کا عیدالاضحی کے تیسرے روزناظم آباد کے تمام کلیشن پوائنٹس اور شکایتی مراکز کا تفصیلی دورہ
ناظم آباد ٹاؤن میں قائم مختلف کلیکشن پوائنٹ اور شکایتی مراکزپرصفائی ستھرائی اور آلائشیں اُٹھانے کے کام کا معائنہ کیا
کلیکشن پوائنٹس پر آلائشیں اٹھانے کے بعد چونے کا چھڑکاو اور جراثیم کش اسپرے کو بھی یقینی بنایا جائے: سید محمد مظفر
ناظم آباد ٹاؤن کی جانب سے لگائے گئے کلیکشن پوائنٹ سے عید الاضحی کے تین دنوں میں کئی لاکھ آلائشیں اٹھائی گئیں
مورخہ: 09 جون 2025
کراچی ( ) چیئرمین ناظم آباد ٹاؤن سید محمد مظفرنے عیدالاضحی کے تیسرے روز بھی ناظم آبادکے تمام کلیشن پوائنٹس اور شکایتی مراکز کا تفصیلی دورہ کیا۔ ناظم آباد ٹاؤن میں قائم مختلف کلیکشن پوائنٹ اور شکایاتی مراکزپرصفائی ستھرائی اور آلائشیں اُٹھانے کے کام کا معائنہ کیا،اس موقع پراسسٹینٹ کمشنر ناظم آباد شائستہ جبین، ڈپٹی کمشنرسینٹرل کی جانب سے وسیم تاج اور ڈائریکٹر سینی ٹیشن ظہیر احمدبھی اپنی ٹیم کے ہمراہ موجودرہے۔ آلائشیں اٹھانے اور ٹھکانے لگانے پر افسران و عملے کی کارکردگی پر اظہارِ اطمینان، اور متعلقہ محکمے کے افسران کو ہدایت کی کے قربانی کے جانوروں کی آلائشوں کو بروقت اٹھانے کا کام تیزجلد ختم کیا جائے اور عوام کو فوری ریلیف فراہم کیا جائے جبکہ آلائشیں اُٹھانے کے بعد جراثیم کش اسپرے اور چونے کے چھڑکاؤ کو بھی یقینی بنایا جائے تاکہ جراثیم کا خاتمہ ممکن ہو اور عوام کو صحت مند ماحول فراہم کیا جاسکے۔ عید الاضحی کے تینوں روز سینی ٹیشن کا عملہ اپنے اپنے مقرر کردہ علاقوں میں آلائشوں کو اٹھانے میں رات دن مصروف رہا۔ چیئرمین سید محمد مظفرکی بہترین حکمت عملی اور یوسی چیئرمینز و افسران سے مشاورت کے نتیجے میں ناظم آباد ٹاؤن میں قربانی کے جانوروں کی آلائشوں کو بروقت ٹھکانے لگانے کے ساتھ ساتھ روزمرہ کی صفائی اور کوڑا کرکٹ کو اُٹھانے کا عمل بھی تواتر سے جاری ہے۔ جبکہ اس سلسلے میں عید الاضحی کے تینوں روز ناظم آباد ٹاؤن کے یوسی چیئرمینز،وائس چیئرمینز اور بلدیاتی افسران بھی عوام کو صاف شفاف ماحول مہیا کرنے کے لئے اپنے اپنے علاقوں کی حدود میں آلائشوں کو ٹھکانے لگانے کے کام کی نگرانی کر رہے ہیں۔ چیئرمین ناظم آباد ٹاؤن سید محمد مظفرنے کہا آلائشوں کو ٹھکانے لگانے کے کام کی ذمہ داری سندھ سالڈ ویسٹ مینجمنٹ بورڈ کی ہے جو انہوں نے ٹھیک سے پوری نہ کی اور ناظم آباد کی عوام بھی سندھ سالڈ ویسٹ کی ٹیم سے مطمئن نہ ہوئی جبکہ عید الاضحی کے تینوں روز یوسی چیئرمینز،وائس چیئرمینز، بلدیاتی افسران اور سینی ٹیشن کا عملہ قربانی کے جانوروں کی آلائشوں کو بروقت اٹھانے کے کام کی نگرانی کر تا رہا تاکہ عوام کو آلائشوں سے پاک ماحول مہیا کیا جاسکے۔ متعلقہ محکمے کے مطابق عید الاضحی’ کے تین دنوں میں لاکھوں کی تعداد میں آلائشیں رہائشی علاقوں سے اٹھا ئی گئیں۔
جاری کردہ؛
فہیم مصطفی
ڈائریکٹر انفارمیشن
ناظم آباد ٹاؤن
