وزیراعظم محمد شہباز شریف نے ماڈل ٹاؤن لاہور میں نماز عید ادا کی
لاہور: وزیراعظم محمد شہباز شریف نے ماڈل ٹاؤن لاہور میں عید الاضحیٰ کی نماز ادا کی۔ سابق وزیراعلیٰ حمزہ شہباز اور مختلف شعبہ زندگی سے تعلق رکھنے والے افراد نے بھی وزیراعظم کے ہمراہ عیدالاضحیٰ کی نماز ادا کی۔
خطبہ عید میں سنت ابراہیمی اور فلسفہ قربانی کی اہمیت کو اجاگر کیا گیا۔ اس موقع پر ملک کی سلامتی اور ترقی کے لیے خصوصی دعا کی گئی۔امت مسلمہ کی خوشحالی اور بربریت کے شکار نہتے کشمیریوں اور فلسطینیوں کی نصرت کے لیے بھی دعائیں مانگی گئیں۔
نماز کے بعد وزیراعظم محمد شہبازشریف لوگوں سے عید ملے اور انہیں مبارکباد دی۔
=============
راولپنڈی: اڈیالہ جیل میں نماز عید ادا کردی گئی
راولپنڈی میں اڈیالہ جیل میں نماز عید ادا کردی گئی۔
اڈیالہ جیل میں نماز عید کے دو اجتماعات ہوئے منعقد ہوئے۔ مرکزی جامع مسجد اور امام بارگاہ میں نماز عید ادا کی گئی۔
