عید سے پہلے وفاقی بیورو کریسی میں تقرر و تبادلے… کون خوش اور کس کی عید برباد
اسلام آباد ( رانا غلام قادر )وفاقی بیورو کر یسی میں تقرر و تبادلوںکنٹریکٹ پر نئی تقرریوں اور پہلے سے کنٹریکٹ پر تعینات افسران کے کنٹریکٹس میں توسیع کے احکامات جاری کئے گئے ہیں۔جاوید اقبال ایڈیشنل سیکرٹری فنانس ڈویژن تعینات، ڈاکٹر عصمت نواز سینئر جوائنٹ سیکریٹری پارلیمانی امور،ساجد محمود قاضی ایڈیشنل سیکریٹری، ایس آئی ایف سی ،جمیل آفاقی کو ریکٹر نیشنل سکول آف پبلک پالیسی کا 3 ماہ یا مستقل ریکٹر کے تقرری تک اضافی چارج تفویض ، وزیراعظم کی منظوری کے بعد اسٹیبلشمنٹ ڈویژن کی جانب سے جاری کردہ مختلف نوٹیفکیشنز کے مطابق ڈین، پاکستان ایڈمنسٹریٹو سٹاف کالج جمیل آفاقی کو ریکٹر، نیشنل سکول آف پبلک پالیسی کا 3 ماہ یا مستقل ریکٹر کے تقرری تک اضافی چارج تفویض کیا گیا ہے جبکہ گریڈ 21 کے سینئر جوائنٹ سیکریٹری اوورسیز پاکستانیز ڈویژن ڈاکٹر عصمت نواز کا تبادلہ کر کے اُنہیں سینئر جوائنٹ سیکریٹری پارلیمانی امور ڈویژن، ایڈیشنل سیکریٹری، نیشنل فوڈ سیکیورٹی اینڈ ریسرچ ڈویژن ساجد محمود قاضی کا تبادلہ کر کے اُنہیں ایڈیشنل سیکریٹری، ایس آئی ایف سی ڈویژن، گریڈ 21 کے سینئر جوائنٹ سیکریٹری، خزانہ ڈویژن جاوید اقبال کا تبادلہ کر کے اُنہیں ایڈیشنل سیکریٹری، خزانہ ڈویژن اور ڈپٹی ڈائریکٹر، پاکستان انسٹی ٹیوٹ برائے پارلیمانی امور فیاض تھہیم کو تبدیل کر کے سیکشن افسر پارلیمانی امور ڈویژن تعینات کیا گیا ہے۔پاکستان آڈٹ اینڈ اکائونتس سروس کے گریڈ انیس کے افسر رانا عبیداللہ انور کو گریڈ 20 میں ترقی دے کر بطور جوائنٹ سیکریٹری خزانہ ڈویژن ریگولر کر دیا گیا ہے۔
