کے ای کا صارفین کو دھمکی آمیز انتباہ، سی ای او کے پارلیمنٹ سے جھگڑے کے بعد تشویشناک اقدام
کراچی: کراچی الیکٹرک (کے ای) نے شہر کے لاکھوں بجلی صارفین کو میڈیا اشتہارات کے ذریعے دھمکی دی ہے کہ وہ اپنے بل فوراً ادا کریں، ورنہ قانونی کارروائی کا سامنا کرنا پڑے گا۔ یہ اقدام اس وقت سامنے آیا جب کمپنی کے سی ای او پر پارلیمانی اراکین کے ساتھ گستاخانہ رویے اور میٹنگز سے غائب ہونے کے سنگین الزامات عائد ہوئے۔
ذرائع کے مطابق، کراچی اور اسلام آباد میں ہونے والی متعدد میٹنگز میں اراکین پارلیمنٹ نے کے ای کی ناکامیوں پر سوال اٹھائے، لیکن سی ای او نے نہ صرف جواب دینے سے انکار کیا بلکہ منتخب نمائندوں کی توہین کی۔ واقعات کے بعد کمپنی نے اپنے سی ای او کے رویے کے منفی اثرات کو کم کرنے کے لیے صارفین کے خلاف سخت موقف اختیار کیا ہے۔
دوسری جانب، پیمرا کی رپورٹ میں کے ای پر بجلی کی مناسب پیداوار اور سپلائی نہ کرنے کے ساتھ ساتھ جعلی بلنگ کے ذریعے صارفین کو لوٹنے کے سنگین الزامات عائد کیے گئے ہیں۔ عوام کا کہنا ہے کہ کے ای کی جانب سے دھمکی آمیز اشتہارات ظلم کی انتہا ہے، جبکہ حکومت سے مطالبہ کیا جا رہا ہے کہ وہ اس معاملے پر فوری کارروائی کرے۔
================
کاظم آباد ماڈل کالونی میں عید الاضحیٰ کی صبح کا بجلی بحران سے آغاز ۔ لوگوں کو عید کی نماز کی ادائیگی میں مشکلات
================
اے اللہ! فلسطینیوں کی مدد فرما، شہدا کو معاف کر، ان کے دشمنوں کو تباہ و برباد کر دے، خطبہ حج
خطبہ حج 2025، مسجد نمرہ سے براہ راست
مسجد الحرام کے امام شیخ ڈاکٹر صالح بن عبد اللّٰہ نے خطبہ حج میں دعا کی کہ اے اللہ فلسطین کے بھائیوں کی مدد فرما، ان کے شہدا کو معاف فرما، زخمیوں کو شفا دے اور ان کے دشمنوں کو تباہ و برباد کر دے، فلسطین کے دشمن بچوں کے قاتل ہیں، ان قاتلوں کو تباہ کر دے۔
حج کے رکن اعظم وقوف عرفہ کے دوران میدان عرفات کی مسجد نمرہ میں خطبہ حج دیتے ہوئے شیخ ڈاکٹر صالح بن عبد اللّہ نے کہا کہ اے ایمان والوں اللہ سے ڈرو اور تقویٰ اختیار کرو، تقویٰ اختیار کرنا ایمان والوں کی شان ہے، اے ایمان والوں عہد کی پاسداری کرو، اللہ تعالیٰ صبر کرنے والوں کے ساتھ ہے۔
اللہ اور اس کے رسول ﷺ کی تعلیمات پر عمل کرو
امام مسجد الحرام نے کہا کہ زمین اور آسمان کا مالک صرف رب ہے، تقویٰ اختیار کرنے والوں کو جنت کی نوید سنائی گئی ہے، اے ایمان والوں اپنے ہمسائیوں کے حقوق کا خیال رکھو، شیطان تمہارا کھلا دشمن ہے اس سے دور رہو، اللہ اور اس کے دین پر قائم رہو، اللہ اور اس کے رسول ﷺ کی تعلیمات پر عمل کرو۔
یہ بھی پڑھیں: حج کے دوران یادگاری ٹکٹ اور پوسٹ کارڈ جاری
’بدعت اور غیبت سے دور رہو۔ رب کے سوا غیر کو مت پکارو۔ رب کے سوا کسی غیر کی عبادت مت کرنا۔ نبی اکرم ﷺ اللہ کے آخری رسول ہیں، وہ خاتم النبین ہیں۔ اللہ اور بندے کا تعلق نجات کا ذریعہ ہے۔ اللہ نے فرمایا تعاون کرو اور تقویٰ اختیار کرو۔ اپنے والدین سے نیکی کرنا اور سچ بولنا ہے۔‘
شیطان تمہارے درمیان دوریاں ڈالتا ہے
خطبہ حج میں کہا گیا کہ یتیموں، مساکین، بیواؤں اور ہمسایوں کے ساتھ شفقت فرماؤ، اللہ کسی تکبر اور غرور کرنے والوں کو پسند نہیں کرتا، اے ایمان والوں عہد کی پاسداری کرو، شیطان تمہارے درمیان دوریاں ڈالتا ہے۔
ضرورت مندوں کو کھانا کھلاؤ
’نماز قائم کرو، زکوۃ ادا کرو، رمضان کے روزے رکھو اور حج کرو۔ روزہ صبر اور برداشت کا درس دیتا ہے۔ ضرورت مندوں کو کھانا کھلاؤ، اللہ تمہارا حج قبول کرے۔ خادم الحرمین شریفین نے ضیوف الرحمان کیلیے بہترین انتظامات کیے۔ حجتہ الوداع میں نبی پاک ﷺ نے حج کرنے کا طریقہ سکھایا۔ حضرت محمد ﷺ نے مزدلفہ میں کھلے آسمان تلے قیام کیا۔ حضرت محمد ﷺ نے شیطان کو کنکریاں مار کر تزکیہ نفس کے بارے میں بتایا۔‘
اللہ کا تذکرہ کرو یہی تمہارے دن ہیں
امام مسجد الحرام نے کہا کہ ان دنوں میں اللہ کا تذکرہ کرو یہی تمہارے دن ہیں، اللہ خوش ہوتا ہے کہ میری خاطر جمع ہوئے ہیں، آپ اس مقام پر ہیں جس میں دعا قبول ہوگی، اللہ ہمارے مناسک حج کو قبول فرما، اے اللہ ہمارے گھروں میں عافیت فرما وطن کی حفاظت فرما۔
