انسداد دہشتگردی کی خصوصی عدالت نے قتل اقدام قتل اور پولیس پر فائرنگ کے مقدمے میں عزیر بلوچ کو ائیر کولر فراہم کرنے کی درخواست پر فیصلہ محفوظ کرلیا۔ کراچی سینٹرل جیل میں انسداد دہشتگردی کمپلیکس میں خصوصی عدالت کے روبرو قتل اقدام قتل اور پولیس پر فائرنگ کا مقدمے کی سماعت ہوئی۔ گینگ وار کے سرغنہ عزیر بلوچ اور دیگر ملزمان عدالت میں پیش ہوئے۔ عزیر بلوچ کے وکلا عابد زمان اوربیرسٹر سارہ عاصم نے واٹر کولر کی فراہمی کی درخواست دائر کردی۔ عابد زمان ایڈوکیٹ نے موقف دیا کہ 2 روز کے بعد عید ہے۔ عزیر بلوچ کوعید کی نماز پڑھنے کی سہولت دی جائے۔جیل حکام عدالتی احکامات پرعمل نہیں کرتے۔ بیرسٹر سارہ عاصم نے موقف دیا کہ گرمی شدید ہے ائیر کولر رکھنے کی اجازت دی جائے۔ شدید گرمی کے باعث عزیر بلوچ کی طبعیت خراب ہے۔ عدالت نے درخواست پر فیصلہ محفوظ کرلیا۔ عدالت مے ریمارکس دیئے درخواست پر فیصلہ اور ضمانت کی درخواست کی سماعت 12 جون کو ہوگی۔ پولیس کے مطابق عزیر بلوچ اور دیگر کیخلاف لیاری آپریشن کے دوران مقدمہ درج کیا گیا تھا۔
جوڈیشل مجسٹریٹ جنوبی نے ڈیفنس میں نوجوان کو تشدد کا نشانہ بنانے کے مقدمے میں ملزم کی درخواست ضمانت پر پراسیکیوٹر اور تفتیشی افسر کو نوٹس جاری کردیئے۔ خوڈیشل مجسٹریٹ شرقی کی عدالت نے ڈیفنس میں نوجوان کو تشدد کا نشانہ بنانے کا مقدمہ میں ملزم سلمان فاروقی کی درخواست ضمانت پر نوٹس جاری کردیئے۔ عدالت نے آج جمعرات کے لیئے پراسیکیوٹر اور تفتیشی افسر کو نوٹس جاری کیئے ہیں۔ درخواست ضمانت پر سماعت آج ہوگی۔ استغاثہ کے مطابق ملزم سلمان فاروقی اور اویس ہاشمی جسمانی ریمانڈ پر پولیس کی کسٹڈی میں ہیں۔ دونوں ملزمان کو آج عدالت میں پیش کیا جائے گا۔ مقامی کمپنی کے سربراہ سلمان فاروقی نے دھن راج نامی نوجوان کو تشدد کا نشانہ بنایا تھا۔
