وزیراعظم محمد شہباز شریف کا شمالی وزیرستان کے علاقے دتہ خیل میں سیکیورٹی آپریشن میں بھارتی حمایت یافتہ فتنہ الخوارج کے 14 دہشتگردوں کو جہنم رسید کرنے پر سیکیورٹی فورسز کو خراج تحسین۔
“انسانیت کے دشمن دہشتگردوں کے مذموم عزائم خاک میں ملا دیں گے۔ سیکیورٹی فورسز کی پیشہ ورانہ مہارت کی بدولت ہم دہشتگردی کی عفریت کو جڑ سے اکھاڑ پھینکیں گے۔ حکومت اور سیکیورٹی فورسز ملک سے دہشتگردی کے مکمل خاتمے کے لیے پر عزم ہیں۔”
~وزیراعظم محمد شہباز شریف
وزیراعظم شہباز شریف کا بیلاروس کے ساتھ معاشی و دفاعی تعلقات کو فروغ دینے کا عزم
اسلام آباد: وزیراعظم محمد شہباز شریف نے بیلاروس کے وزیر دفاع کی قیادت میں ایک وفد سے ملاقات کی، جس میں انہوں نے بیلاروس کے ساتھ معاشی شراکت داری کو فروغ دینے کی خواہش کا اظہار کیا۔
وزیراعظم نے خاص طور پر انفارمیشن ٹیکنالوجی (آئی ٹی)، زرعی مشینری کی تیاری، اور دفاعی شعبوں میں دوطرفہ تعاون کو مزید مستحکم بنانے پر زور دیا۔
ملاقات کے دوران، وزیراعظم نے وفد کو جنوبی ایشیا میں حالیہ کشیدہ صورتحال پر پاکستان کے مؤقف سے بھی آگاہ کیا۔ انہوں نے بیلاروس کے صدر الیگزینڈر لوکاشینکو کے لیے نیک خواہشات کا اظہار کیا-
