چیف میٹرولوجسٹ،سربراہ سونامی وارننگ سیل کراچی امیرلغاری کے مطابق کراچی میں فالٹ لائن فعال ہوگئی،زلزلوں کاخطرہ بڑھ گیا ہے لانڈھی کی فالٹ لائن میں انرجی جمع ہورہی ہے،مزیدزلزلوں کاخدشہ ہے،شہری الرٹ رہیں،قائد آباد،گڈاپ ٹاؤن میں بھی زلزلےکےجھٹکےمحسوس کیےگئے،فالٹ لائن سےانرجی کااخراج،زلزلوں کاسلسلہ رک نہیں رہا،کچھ دیرقبل آئےزلزلےکےجھٹکےسےمتعلق رپورٹ آناباقی ہے،گزشتہ روزآنےوالےزلزلےکامرکزقائد آبادکےقریب تھا،گزشتہ
روزایک اورزلزلےکاجھٹکارات1بج کر6منٹ پرآیاتھا،رات گئےآنےوالےزلزلےکی شدت3.2اورگہرائی12کلومیٹرتھی،رات گئےآنےوالےزلزلےکامرکزگڈاپ ٹاؤن کےقریب تھا،کراچی میں لانڈھی کی فالٹ لائن گزشتہ روزسےفعال ہوئی ہے،اس فالٹ لائن پرآج تک بڑےزلزلےکےجھٹکےنہیں آئےہیں،کراچی کی دوسری فالٹ لائن تھانہ بولاخان کےقریب ہے،کیرتھرکےقریب بھی مین باؤنڈری لائن ہے،یہاں معتدل شدت کےزلزلےرپورٹ ہوتےہیں،کراچی:فالٹ لائن میں انرجی جمع ہوجاتی ہے،کراچی:آہستہ آہستہ انرجی ریلیزہورہی ہے،ایک سے2دن تک شہرمیں زلزلےکےجھٹکے محسوس کیےجائیں گے،زلزلےکےجھٹکوں کی شدت بتدریج کم ہوتی جائےگی،کراچی:شہری خوف وہراس کاشکارنہ ہوں،فالٹ لائن کومعمول پرآنےمیں چندروزلگ سکتےہیں
ملیرجیل سے 213 قیدی فرار ہوئے جن میں سے 78 کو گرفتار کرلیا: آئی جی سندھ
کراچی: آئی جی سندھ غلام نبی میمن نے کہا ہے کہ ملیرجیل سے 213 قیدی فرار ہوئے جن میں سے 78 کو گرفتار کرلیاگیا ہے۔
کراچی میں میڈیا سے گفتگو کرتے ہوئے آئی جی سندھ نے کہا کہ ملیر جیل میں ٹوٹل 6 ہزار قیدی ہیں، گزشتہ روز زلزلے کے جھٹکوں کے بعد2 سرکل کے قیدیوں کو باہر نکالا گیا جس کے بعد قیدیوں نے جیل کے مرکزی دروازے کی طرف بھاگنا شروع کردیا جب کہ دونوں سرکل میں منشیات کے مقدمات کے قیدی موجود تھے۔
غلام نبی میمن نے کہا کہ مرکزی دروازے کے اندر جیل پولیس اور باہر ایف سی اہلکار تعینات ہوتے ہیں، قیدیوں کے ہجوم کو دیکھ کر جیل پولیس اور ایف سی اہلکاروں نے ہوائی فائرنگ کی۔
آئی جی نے بتایا کہ ملیر جیل سے 213 قیدی فرار ہوئے جن میں سے 78 کو گرفتار کرلیاگیا ہے جب کہ دیگر فرار قیدیوں کی گرفتاری کے لیے حکمت عملی بنادی گئی ہے۔
ان کا کہنا تھا کہ جیل کے اندراور اطراف میں بھی سکیورٹی کے انتظامات کو بڑھایا گیا ہے، پولیس کی اضافی نفری جیل کے اطراف کی آبادیوں میں سرچ آپریشن کررہی ہے۔
کراچی میں زلزلے کے جھٹکے، ملیر جیل سے 200 سے زائد قیدی فرار ہوگئے
ملیر جیل کی دیوار نہیں ٹوٹی، قیدی گیٹ سے فرار ہوئے: وزیر داخلہ سندھ
