
پریس ریلیز
سندھ سالڈ ویسٹ مینجمنٹ بورڈ کے ایم ڈی طار ق علی نظامانی کی زیرِ صدارت عید الاضحیٰ کے انتظامات کے حوالے سے اہم اجلاس
اجلاس میں ڈسٹرکٹ سینٹرل کے تمام ٹاؤنز چیئرمینز سمیت متعلقہ افسران کی خصوصی شرکت
عید الاضحیٰ کے موقع پر صفائی کے بہترین انتظامات ہماری اولین ترجیح ہیں: طار ق علی نظامانی
ٹاؤن انتظامیہ کی جانب سے ناظم آباد میں عید گاہوں،مساجد اور امام بارگاہوں کے اطراف صفائی ستھرائی کا کام مکمل کر لیا گیا ہے: سیدمحمد مظفر
تمام یوسیز میں کلیکشن پوائنٹس بنائے گئے ہیں جہاں پر ٹاؤن کا عملہ قربانی کی آلائشوں کو جمع کرے گا:فراز حسیب
مورخہ:03 جون 2025 ء
کراچی ( ) سندھ سالڈ ویسٹ مینجمنٹ بورڈ کے ایم ڈی طار ق علی نظامانی کی زیرِ صدارت آج ایک اہم اجلاس منعقد ہوا، جس میں عید کے دن قربانی کے بعد پیدا ہونے والی آلائشوں کی بروقت صفائی اور منتقلی کے انتظامات کا تفصیلی جائزہ لیا۔ عیدالاضحی پر آلائش آپریشن کے سلسلے میں ڈسٹرکٹ سینٹرل میں بنائے جانے والے کلیکشن پوائنٹس پر بھی بات چیت ہوئی۔ اس موقع پر انہوں نے عید الاضحیٰ کے موقع پر صفائی و ستھرائی کے خصوصی انتظامات کو بہتر کرنے کی ہدایت کی۔ اجلاس میں ڈسٹرکٹ سینٹرل کے تمام ٹاؤنز چیئرمینز بشمول ناظم آباد ٹاؤن کے چیئرمین سیدمحمد مظفر، نارتھ ناظم آباد ٹاؤن کے چیئرمین عاطف علی خان، گلبرگ ٹاؤن کے چیئرمین نصرت للہ، لیاقت آباد ٹاؤن کے چیئرمین فراز حسیب سمیت ڈائریکٹر سینی ٹیشن ناظم آباد ٹاؤن ظہیر احمد، ڈائریکٹر سینی ٹیشن لیاقت آبادو دیگر افسران نے بھی خصوصی شرکت کی۔ اجلاس میں عید الاضحیٰ کے دوران جانوروں کی قربانی کے بعد پیدا ہونے والے فضلے کی بروقت صفائی، لفٹنگ اور ڈمپنگ کے طریقہ کار پر تفصیلی بات چیت کی گئی۔ایم ڈی سندھ سالڈ ویسٹ مینجمنٹ بورڈ طار ق علی نظامانی نے اجلاس سے خطاب کرتے ہوئے کہا کہ عید الاضحیٰ کے موقع پر صفائی کے بہترین انتظامات ہماری اولین ترجیح ہیں۔ تمام متعلقہ ادارے باہمی تعاون سے کام کریں تاکہ شہریوں کو کسی قسم کی تکلیف کا سامنا نہ کرنا پڑے۔انہوں نے ہدایت دی کہ ہر ٹاؤن میں صفائی کی خصوصی ٹیمیں تعینات کی جائیں، فوری رسپانس کے لیے ہیلپ لائنز کو فعال رکھا جائے اور شہریوں کو شعور دینے کے لیے آگاہی مہم بھی چلائی جائے۔ٹاؤن چیئرمینز اور دیگر افسران نے بھی اجلاس میں اپنے اپنے علاقوں کے مسائل اور تجاویز پیش کیں اور بورڈ کی جانب سے مکمل تعاون کی یقین دہانی کروائی گئی۔ چیئرمین ناظم آباد ٹاؤ ن سیدمحمد مظفرنے کہا ٹاؤن انتظامیہ کی جانب سے ناظم آباد میں عید گاہوں،مساجد اور امام بارگاہوں کے اطراف صفائی ستھرائی کا کام مکمل کر لیا گیا ہے۔ چیئرمین لیاقت آباد ٹاؤن فراز حسیب نے کہا تمام یوسیز میں کلیکشن پوائنٹس بنائے گئے ہیں جہاں پر ٹاؤن کا عملہ قربانی کی آلائشوں کو جمع کرے گا۔اجلاس کے اختتام پر فیصلہ کیا گیا کہ عید سے قبل اور عید کے تینوں دن صفائی کے غیر معمولی انتظامات کو یقینی بنانے کے لیے تمام تر وسائل بروئے کار لائے جائیں گے۔
جاری کردہ؛ فہیم مصطفی
ڈائریکٹر انفارمیشن
ناظم آباد ٹاون























