اسلام آباد – 2 جون 2025
پاکستان ایئرپورٹس اتھارٹی نے اسلام آباد انٹرنیشنل ایئرپورٹ سے ایئرسیال کی پہلی بین الاقوامی پرواز PF784 کو دبئی روانہ کرنے کے تمام انتظامات کامیابی سے مکمل کیے۔ پرواز صبح 11:34 بجے 137 مسافروں کے ساتھ روانہ ہوئی، جو پاکستان کے نجی فضائی شعبے کے لیے ایک اہم سنگ میل ہے۔
اس موقع کی مناسبت سے ایئرپورٹ کے چیک اِن زون 1 (بزنس کلاس ایریا) میں ایک باقاعدہ افتتاحی تقریب منعقد کی گئی، جس کے مہمانِ خصوصی وزیر دفاع خواجہ محمد آصف تھے۔ ان کے ہمراہ سیکریٹری دفاع لیفٹیننٹ جنرل محمد علی (HI M)، ڈائریکٹر جنرل پاکستان ایویشن اتھارٹی جناب نادر شفیع ڈار، چیف آپریٹنگ آفیسر/ایئرپورٹ منیجر جناب آفتاب گیلانی اور سی ای او ایئرسیال بھی موجود تھے۔
پاکستان ایئرپورٹس اتھارٹی جدید انفرااسٹرکچر اور معیاری سہولیات فراہم کر کے قومی و بین الاقوامی فضائی رابطوں کو فروغ دینے میں کلیدی کردار ادا کر رہی ہے، تاکہ مسافروں کو محفوظ، آرام دہ اور بااعتماد سفری تجربہ فراہم کیا جا سکے۔
ترجمان
============================
قومی ایئر لائن کی پرواز سے پرندہ ٹکرا گیا، 120مسافر سوار تھے
کراچی-قومی ایئر لائن کی پرواز سے پرندہ ٹکرا گیا، طیارے میں 120مسافر سوار تھے۔ ذرائع نے بتایا کہ طیارے کو 20 گھنٹے کے دوران دوبارہ پرواز کے قابل بنا لیا گیا۔ ذرائع کے مطابق کراچی سے لاہور کی پرواز سے گزشتہ روز پرندہ ٹکرایا۔ ذرائع کے مطابق لاہور ایئرپورٹ پر لینڈنگ کے دوران پرندہ ٹکرایا، جس میں 120مسافر سوار تھے۔قومی ایئر لائن کے ذرائع نے بتایاکہ لینڈنگ کے بعد انسپکشن کی گئی تو پرندہ ٹکرانے کے شواہد ملے۔
=========================
PIAنجکاری نومبر 2025ءتک مکمل کرلی جائے گی ‘ذرائع
02 جون ، 2025FacebookTwitterWhatsapp
کراچی-ذرائع نے بتایا کہ پی آئی اے کی نجکاری کا عمل نومبر 2025تک مکمل کر لیا جائے گا، حکومت قومی ایئر لائن کے50سے100فیصد شیئرز فروخت کرنے کا ارادہ رکھتی ہے۔ذرائع نے مزید بتایا کہ ملکی و غیر ملکی سرمایہ کاری گروپس نے قومی ایئر لائن کی خریداری میں دلچسپی ظاہر کی ہے۔گزشتہ ہفتے پی آئی اے ہولڈنگ کمپنی کلاس بی شیئرز میں ریکارڈ اضافہ ہوا اور شیئرز کی قیمت بڑھ کر 22ہزار روپے سے بھی تجاوز کر گئی۔پاکستان اسٹاک ایکسچینج کے نوٹس کے جواب میں پی آئی اے کی انتظامیہ نے ایک باضابطہ جواب جمع کروایا جس میں کہا گیا کہ وہ کسی بھی پیشرفت یا معلومات سے لاعلم ہیں جو حصص کی قدر میں اس قدر تیزی سے اضافے کا جواز پیش کر سکتی ہے۔
====================
سندھ سالڈ ویسٹ بورڈ نے عید الاضحی ٰکے انتظامات کو حتمی شکل دے دیکراچی ( اسٹاف رپورٹر) منیجنگ ڈائریکٹر سندھ سالڈ ویسٹ مینجمنٹ بورڈ طارق علی نظامانی کی ہدایت پر عید الاضحیٰ کے سلسلے میں انتظامات کو حتمی شکل دے دی گئی ، ترجمان کے مطابق عید کے دوران جانوروں کے ساتھ تقریباً 25ہزار ٹن بھالومٹی بھی شہر کے مختلف مقامات پر لائی جاتی ہے اور سالڈ ویسٹ کا عملہ آلائشیں اٹھانے کے ساتھ بھالومٹی بھی اٹھاتا ہے جو لینڈ فل سائٹ پہنچائی جاتی ہے،اس سال آلائش اور کچرا الگ الگ اٹھانے کی حکمت عملی بنائی گئی ہےاور بھالومٹی کوشہر کے مختلف مقامات سے اٹھانے کے بعدجی ٹی ایس پر محفوظ کیا جائے گا۔
