📅 SZABIST میں 3rd پبلک ہیلتھ سمپوزیم کا انعقاد
🗓 31 مئی 2025 کو SZABIST یونیورسٹی کے شعبہ پبلک ہیلتھ نے “پبلک ہیلتھ میں آرٹیفیشل انٹیلی جنس: مواقع، چیلنجز اور پالیسی” کے موضوع پر تیسرا پبلک ہیلتھ سمپوزیم منعقد کیا۔
اس تقریب میں تعلیمی، سرکاری اور صنعتی شعبوں کے ممتاز ماہرین نے شرکت کی اور پبلک ہیلتھ میں آرٹیفیشل انٹیلی جنس (AI) کے بڑھتے ہوئے کردار پر روشنی ڈالی۔ جدید تحقیق سے لے کر عملی اطلاق تک، اس پروگرام میں پاکستان اور دنیا بھر میں ہیلتھ کیئر کے
نظام کے لیے AI کے فوائد اور ممکنہ خطرات پر گہری بحث ہوئی۔
ہم تمام مقررین، شرکاء اور مہمانوں کا دلی شکریہ ادا کرتے ہیں جنہوں نے اس تقریب کو کامیاب بنایا اور صحت کے شعبے میں AI کے مستقبل پر قیمتی آرا کا اشتراک کیا۔
#SZABIST #پبلک_ہیلتھ #AIسمپوزیم #ہیلتھ_کیئر #مستقبل_کی_صحت #آرٹیفیشل_انٹیلی جنس #SZABISTلائف
===========================
کراچی ڈیفنس میں بہنوں کے سامنے نوجوان پرتشدد کرنیوالا ملزم سلمان فاروقی گرفتار
موٹرسائیکل سوار شخص کی بہنوں کی منت سماجت کے باوجود ملزم سلمان فاروقی نے موٹرسائیکل سوار کو نہیں چھوڑا— فوٹو: جیو نیوز
کراچی ڈیفنس میں موٹرسائیکل سوار کو بہنوں کے سامنے تشدد کا نشانہ بنانے والے ملزم سلمان فاروقی کو گرفتار کرلیا گیا۔
ڈیفنس خیابان اتحاد میں شہری نے خود ہی عدالت لگالی اور مبینہ طور پر موٹرسائیکل ٹکرانے پر کار سوار شخص سلمان فاروقی نے نوجوان پر اُس کی بہنوں کے سامنے تشدد کیا۔
موٹرسائیکل سوار شخص کی بہنوں کی منت سماجت کے باوجود ملزم سلمان فاروقی نے موٹرسائیکل سوار کو نہیں چھوڑا۔
کراچی: خیابان اتحاد میں شہری پر تشدد میں ملوث شخص کا ڈرائیور اور سکیورٹی گارڈ گرفتار
تاہم اب پولیس نے ملزم سلمان فاروقی کو گرفتار کرلیا۔ ڈی آئی جی جنوبی اسد رضا کے مطابق ملزم سلمان فاروقی کو گذری تھانہ منتقل کردیا گیا۔
ان کا کہنا تھاکہ ملزم کے دفتر اور گھر بھی چھاپے مارے گئے، ملزم سلمان فاروقی شہری پر تشدد میں ملوث ہے اورملزم کو 24 گھنٹے میں مجسٹریٹ کے سامنے پیش کیا جائے گا۔
ڈی آئی جی اسد رضا نے بتایاکہ گرفتارملزم سے تفتیش کی جارہی ہے اور قرار واقعی سزا دی جائے گی، گرفتار ملزم سلمان فاروقی کا بیان لیا جارہا ہے اور ویڈیو میں دیکھا جاسکتا ہے کہ ملزمان نے شہری پر تشدد کیا۔
انہوں نے کہا کہ مقدمہ واقعے کے وقت موجود ایک شہری کی مدعیت میں درج ہے اور تشدد کے شکار شہری سے رابطہ کیا جارہا ہے، ویڈیو بنانے والے شہری کی مدعیت میں مقدمہ درج کیا گیا ہے۔
