جدہ (امیر محمد خان سے ) جدہ میں خواتین کے کھانے پکانے کے ہنر کو مزید ترقی دینے کیلئے شیف حنا شعیب نے خواتین اور بچیوں کو کھانے پکانے کے ہنر سے متعارف کرنے کیلئے مفت کوچینگ کلاسز شروع کرنے کا اعلان کیا ہے۔ حنا شعیب جو سعودی عرب مین سعودی شیف تنظیم کی ممبر بھی ہیں اور کھانے پکانے کے کئی مقابلوں میں سونے کے تمغے حاصل کرچکی ہیں انہوں نے ایمپاور ایکشنز کُلنری کوچنگ پروگرام کا تعارف کریا
، اس موقع پر حنا شعیب نے اپنے خطاب میں کہا کہ میں کھانے پکانے کا تجربہ گھر سے حاصل کیا اور میرا شوق مجھے سعودی عرب میٰں ہونے والے شیف کے مقابلوں تک لے آیا جہاں سبزی کاٹنے کے طریقہ کا سے لیکر بہترین کھانا پکانے اور اسکی سجاوٹ کے مقابلوں میں میں نے اعلی انعامات حاصل کئے جس پر مجھے فخر ہے میں نے کوچنگ کا یہ پروگرام جدہ میں کھانا پکانے کے فن کے ذریعے خواتین کو بااختیار بنانے کے لیے ڈیزائن کیا گیا ہے۔ جہاں خواتین مہارت حاصل کرسکتی ہیں، انہوں نے کہا کہ اسوقت آن لائن بھی کھانے منگائے جاتے ہیں جس سے خواتین اپنے تجربہ کو بروکار لاکر بہتر آمدن بھی حاصل کرسکتی ہیں انہیں کوچنگ میں مزے دار اور شاندار کھانے پکانے کیلئے تجربہ ہوگا تعارفی تقریب میں جدہ کی خواتین نے بڑی تعداد میں شرکت کی، تقریب میں کھانے کی مختلف اقسام کے متعلق خواتین کے درمیان میں تحریری مقابلہ بھی ہوا،مقابلے کی نگہ داشت سعودی خاتون صحافی سمیرا عزیز اور پاکستانی صحافی مریم شاہد نے کرتے ہوئے کامیاب خواتین کا اعلان کیا، حنا شعیب نے کامیاب خواتین کے درمیان تحائف تقسیم کیئے ۔
