نادیہ حسین اب بھی گرفتاری سے خوفزدہ
عبوری ضمانت پر ہیں
فیصلہ 2 جون کو سنایا جائے گا
نادیہ حسین سمیت 3 ملزمان کی درخواست ضمانت پر فیصلہ ایک بار پھر موخر
کراچی (اسٹاف رپورٹر)ایڈیشنل ڈسٹرکٹ اینڈ سیشن جج ساؤتھ نے 53 کروڑ کا بینک فراڈ کیس میں نادیہ حسین سمیت 3 ملزمان کی درخواست ضمانت پر فیصلہ ایک بار پھر موخر کردیا۔ ایڈیشنل ڈسٹرکٹ اینڈ سیشن جج ساؤتھ کے روبرو 53 کروڑ کا بینک فراڈ کیس
میں اداکارہ نادیہ حسین سمیت 3 ملزمان کی درخواست ضمانت کی سماعت ہوئی۔ نادیہ حسین اور دیگر ملزم عدالت میں پیش ہوئے۔ عدالت نے نادیہ حسین، امتیاز احمد اور فیصل کی درخواستوں پر فیصلہ ایک بار پھر موخر کردیا۔
عدالت نے ریمارکس دیئے کہ درخواستوں پر فیصلہ 2 جون کو سنایا جائے گا۔ استغاثہ کے مطابق نادیہ حسین، امتیاز احمد اور فیصل عبوری ضمانت پر ہیں۔
==================
نارتھ ناظم آباد، دو بھائیوں میں جھگڑا، فائرنگ، راہگیر جاں بحق
01 جون ، 2025FacebookTwitterWhatsapp
کراچی( اسٹاف رپورٹر )نارتھ ناظم آباد میں دو بھائیوں کے درمیان جھگڑے میں فائرنگ سے راہگیر جاں بحق اور بچے سمیت دو افراد زخمی ہو گئے۔تفصیلات کے مطابق نارتھ ناظم آباد تھانے کی حدود بلاک بی کھنڈو گوٹھ میں فائرنگ کے واقعہ میں 20 سالہ اسامہ ولد محمد ناصر جاں بحق جبکہ 10 سالہ بچہ شایان احمد ولد اعظم اور 37 سالہ جمیل زخمی ہو گئے۔اطلاع پر پولیس موقع پر پہنچی اور جائے وقوعہ سے جاں بحق نوجوان کی لاش اور زخمیوں کو عباسی شہید اسپتال منتقل کیا ۔ایس ایچ او عرفان انور کے مطابق پراپرٹی کے تنازعہ پر دو بھائیوں آصف اور ظفر کے درمیان جھگڑا ہوا،اس دوران ملزم ظفر نے اپنے پاس موجود پستول سے آصف پر فائرنگ کر دی تاہم گولیاں اس کو لگنے کے بجائے قریب بیٹھے افراد اور گزرنے والے راہگیر کو لگیں۔واقعہ کے بعد ملزم فرار ہو گیا۔ایس ایچ او نے بتایا کہ ملزم نشے کا عادی بھی ہے اور اس کی گرفتاری کے لیے چھاپے مارے جا رہے ہیں۔
==================
اسکول اساتذہ پر تشدد، پولیس اہلکار سمیت تینوں ملزمان کی ضمانت منظور
01 جون ، 2025FacebookTwitterWhatsapp
کراچی(اسٹاف رپورٹر) ایڈیشنل ڈسٹرکٹ اینڈ سیشن جج ایسٹ نے اسکول میں اساتذہ پر تشدد کے مقدمے میں تینوں ملزمان کی درخواست ضمانت منظور کرلی۔البدر اسکول میں اساتذہ پر تشدد کے کیس میں تین ملزموں کی درخواست ضمانت کی سماعت ہوئی۔عدالت کی جانب سے تینوں ملزموں کی درخواست منظور کرلی گئی ۔ملزموں کی درخواست 20 ہزار روپے کے عوض منظور کی گئی ہے۔ملزموں میں نگین اقبال، ایشال اقبال اور حفیظ اقبال شامل ہیں۔ ملزمان میں حفیظ اقبال پولیس اہلکار ہے ۔ملزم مبینہ طور پر اسلحہ دکھا کر اسکول میں داخل ہوا تھا۔ ملزمان پر معلمات کو تشدد کا نشانہ بنانے کا الزام ہے۔
