پاکستان نے اپنی “عاجزی ” کی بدولت جنگ جیتی -بھارت اپنی “فروعنیت ” کی وجہ سے ناکام ہوا۔
پاکستان کی عالمی سطح پر نمایاں پوزیشن، بزنس لیڈر عقیل کریم ڈھیڈی کا ہندوستان کے خلاف فتح پر تبصرہ
(جیوے پاکستان ڈاٹ کام)
— پاکستان کے معروف بزنس لیڈر اور صنعتکار عقیل کریم ڈھیڈی نے کہا ہے کہ پاکستان نے اپنی “عاجزی اور حقیقی قومی یکجہتی” کی بدولت ہندوستان کے خلاف جنگ میں کامیابی حاصل کی، جبکہ ہندوستان اپنی “فروعنیت اور جھوٹی پالیسیوں” کی وجہ سے ناکام ہوا۔ انہوں نے مزید کہا کہ آج پاکستان کا نام پوری دنیا میں روشن ہے، اور یہ ملکی قیادت کے لیے سنہری موقع ہے کہ وہ معاشی میدان میں پاکستان کو نئی بلندیوں پر لے جائیں۔
عقیل ڈھیڈی نے جیوے پاکستان سے خصوصی گفتگو میں کہا کہ “آج ہر ملک پاکستان کی آواز سن رہا ہے اور ہماری کامیابیوں کو سراہ رہا ہے۔” انہوں نے ہندوستانی وزیراعظم نریندر مودی کی پالیسیوں کو تباہ کن قرار دیتے ہوئے کہا کہ “مودی اپنے ملک کو مکمل ناکامی اور تباہی کی طرف لے جا رہے ہیں، جبکہ پاک فوج نے ملک کو نئی عظمت اور ہیروزم تک پہنچایا ہے۔ فیلڈ مارشل عاصم منیر پاکستان کے عظیم ہیرو ہیں، اور پوری قوم ہندوستان کے خلاف فتح پر خوش ہے۔”
انہوں نے زور دے کر کہا کہ “اب سرمایہ کاروں اور تاجروں کا اعتماد اپنے عروج پر ہے، اور پاکستان کی معیشت تیزی سے ترقی کرے گی۔ ہمارا مستقبل روشن ہے، جبکہ مودی ہندوستان کو تاریکی میں دھکیل رہے ہیں۔ اگر مودی کچھ اور سال ہندوستان کے وزیراعظم رہے، تو ہندوستان خود بخود تباہ ہو جائے گا، جبکہ پاکستان زندگی کے ہر شعبے میں چمکے گا۔”
