مانسہرہ میں پانچ روزہ انسداد پولیو مہم شروع ، پولیو ٹیموں کی سیکیورٹی کے لئے سخت ترین انتظامات

مانسہرہ میں پانچ روزہ انسداد پولیو مہم شروع ، پولیو ٹیموں کی سیکیورٹی کے لئے سخت ترین انتظامات ، پرامن انعقاد کےلئیے پولیو ٹیموں کے ساتھ 2002 پولیس افسران و جوان سیکیورٹی کے فرائض سر انجام دے رہے ہیں

پولیو ٹیموں کا تحفظ اولین ترجیح ہے،پولیو ٹیموں کی سیکیورٹی کے لیے سخت ترین انتظامات کیے گئے ہیں ۔ ڈی پی او مانسہرہ

تفصیلات کے مطابق ضلع مانسہرہ میں پانچ روزہ انسداد پولیو مہم کے پر امن انعقاد کے لئےپولیس کی بھاری نفری تعینات، انسدادپولیو مہم کے دوران ضلع کے تمام داخلی و خارجی راستوں پر ناکہ بندیوں کے ساتھ ساتھ ڈی پی او مانسہرہ نے تمام ایس پیز ، ڈی ایس پیز اور ایس ایچ اوز کو احکامات جاری کرتے ہوئے کہا کہ تمام افسران بذات خود پولیو ٹیموں کے نگرانی کریں، پولیو ٹیم کی حفاظت کے ساتھ ساتھ پولیس آفسران و جوانان اپنی حفاظت کے لئے بلٹ پروف جیکٹ اور ہیلمٹ کا استعمال یقینی بنائیں۔

پولیو ڈیوٹی پر جانے سے قبل ڈی پی او مانسہرہ کے احکامات پر تمام تھانوں اور سرکلز میں ایس پیز کی زیر نگرانی ڈی ایس پیز اور ایس ایچ اوز نے نفری کو بریفنگ بھی دی۔

‏‎عوام کے نام اپنے پیغام میں ڈی پی او مانسہرہ کا کہنا ہے کہ اپنے بچوں کو پولیو سے بچاؤ کے قطرے پلوانا ہم سب کا قومی فریضہ ہے۔ انسداد پولیو ٹیموں کے ساتھ تعاون کریں اور اپنے 5 سال تک کے بچوں کو پولیو کے قطرے پلائیں،تاکہ انکو جسمانی معزوری سے بچایا جاسکے۔