کولئ پالس پولیس:-
انسدادِ پولیو مہم 26 تا 30 مئی
ضلع کولئی پالس کوہستان میں پانچ روزہ انسداد پولیو مہم کا آغاز سخت سیکیورٹی انتظامات میں کر دیا گیا ہے ۔ اس مہم کے دوران پانچ سال سے کم عمر بچوں کو پولیو سے بچاؤ کے قطرے پلائے جا رہے ہیں ۔
ڈسٹرکٹ پولیس آفیسر امجد حسین خان نے کہا کہ مہم کی کامیابی کے لیے ضلع بھر میں داخلی و خارجی راستوں پر اسنیپ چیکنگ اور موبائل پٹرولنگ کو مزید سخت کر دیا گیا ہے ۔ ڈیوٹی پر تعینات پولیس اہلکاروں کو ہدایت کی گئی ہے کہ وہ دورانِ ڈیوٹی مکمل الرٹ رہیں اور موبائل فون کے استعمال سے گریز کریں ۔ سپرواٸیزری افسران نگرانی اور چیکنگ کے عمل کو یقینی بناتے ہوۓ رپورٹ کریں گے ۔
انہوں نے والدین سے اپیل کی کہ وہ اپنے بچوں کو پولیو کے قطرے ضرور پلائیں اور پولیو ٹیموں کے ساتھ تعینات سیکیورٹی اہلکاروں سے مکمل تعاون کریں تاکہ پولیو جیسے مہلک مرض کا خاتمہ ممکن ہو سکے ۔
یہ مہم نہ صرف بچوں کی صحت کے لیے اہم ہے بلکہ قومی سطح پر پولیو کے خاتمے کے لیے ایک مؤثر قدم ہے۔
ترجمان پولیس کولئی پالس کوہستان
