بلوچستان میں 7روزہ انسداد پولیو مہم کا آغاز کل سے ہوگا
کوئٹہ:بلوچستان میں انسداد پولیو مہم کا آغاز کل(پیر)سے ہوگا۔مہم سات روز جاری رہے گی۔
بلوچستان میں رواں سال کی تیسری انسداد پولیو مہم
26 مئی سے شروع ہورہی ہے ۔ سات روزہ مہم کا ٹارگٹ 26 لاکھ 60 ہزار سے زائد بچوں کو پولیو ویکسین پلانا ہے ۔
پولیو مہم میں11 ہزار 659 ٹیمیں مہم میں حصہ لیں گی ۔ 9 ہزار 129 موبائیل ٹیموں کے ساتھ 958ٹیمز فکسڈ سائیٹس اور 586ٹرانزٹ پوائنٹس پر موجود ہونگی۔مہم کے دوران بچوں کو وٹامن اے ڈراپس بھی پلائے جائیں گے ۔
رواں سال اب تک صوبے سے ایک بھی پولیو کیس رپورٹ نہیں ہوا ۔ تاہم ایمرجنسی آپریشن سینٹر کے مطابق وائرس بلوچستان کے ماحول میں ابھی بھی موجود ہے۔اس لئے پولیو ورکرز سے تعاون کریں ۔ اور اپنے بچوں کو پولیو ڈراپس لازمی پلوائیں ۔ کیونکہ پولیو سے جنگ ہمارے صحت مند مستقبل کی ہے۔
