
نادیہ خان کا ائیر وائس مارشل اورنگزیب سے کیا رشتہ ہے؟ میزبان نے تصویر شیئر کردی
معروف اداکارہ اور میزبان نادیہ خان نے ائیر وائس مارشل اورنگزیب احمد سے اپنے شوہر کے قریبی تعلق کا انکشاف کیا ہے۔
حال ہی میں آپریشن بنیان مرصوص پر بریفنگز کے بعد پاکستان ائیر فورس کے ائیر وائس مارشل اورنگزیب احمد خبروں کی زینت بنے، اب ایک اور وجہ سے وہ سوشل میڈیا پر موضوع گفتگو ہیں جس کی وجہ ان کا اداکارہ نادیہ خان سے فیملی تعلق ہے۔

نادیہ خان نے نجی ٹی وی پر اپنے مارننگ شو میں انکشاف کیا کہ ائیر وائس مارشل اورنگزیب احمد، ان کے شوہر فیصل راؤ کے بھائیوں جیسے قریبی دوست اور ساتھی فائٹر پائلٹ ہیں۔
نادیہ نے ایک پرانی تصویر بھی دکھائی جس میں فیصل راؤ اور اورنگزیب احمد 1989 میں کسی تفریحی مقام پر دیگر دوستوں کے ہمراہ ساتھ کھڑے ہیں۔
نادیہ خان کا ائیر وائس مارشل اورنگزیب سے کیا رشتہ ہے؟ میزبان نے تصویر شیئر کردی
فوٹو: نادیہ خان
اداکارہ نے کہا کہ جب میری فیصل سے 2021 میں شادی ہوئی تو مجھے بتایا گیا کہ ان کے 3 بھائی ہیں مگر انہوں نے کہا کہ میرا ایک اور بھائی بھی ہے اورنگزیب جو ایک زبردست فائٹر پائلٹ ہے۔
نادیہ خان نے بتایا کہ وہ دونوں گھنٹوں فون پر بات کرتے تھے، پھر میں ان سے ملی، ان کی فیملی بہت شاندار ہے، ان کی بیوی ایک بااخلاق خاتون ہیں اور بچے بھی بہت تہذیب والے ہیں، ان کے گھر کی جلیبی نہ کھائی تو سمجھیں کچھ نہ کھایا۔
ان کا کہنا تھا کہ اورنگزیب بھائی جب پہلی بار ملے تو صرف پاکستان کی بات کرتے رہے، وہ ایک نہایت ہی محب وطن شخصیت ہیں، فیصل ہمیشہ کہتے ہیں میں چاہتا ہوں کہ میرا بیٹا اورنگزیب جیسا بنے، میرے جیسا نہیں۔
==========================

کسی بھی نئے پروجیکٹ کا انتخاب کرنے سے قبل الجھن کا شکار رہتی ہوں: یمنیٰ زیدی
جیو انٹرٹینمنٹ کا ڈرامہ ‘تیرے بن’ میں یمنیٰ زیدی کی اداکاری کو اس قدر پسند کیا گیا کہ وہ راتوں رات ایک بڑی اسٹار بن گئیں/ فائل فوٹو
پاکستان شوبز انڈسٹری میں تیزی سے کامیاب ہونے والی اداکارہ یمنیٰ زیدی نے نئے پروجیکٹ کے انتخاب سے قبل الجھن میں مبتلا رہنے کی وجہ بتادی۔
یمنیٰ زیدی نے یوں تو انڈسٹری میں بہت سے پروجیکٹ میں کام کرکے مداحوں کو اپنی جانب متوجہ کیا لیکن جیو انٹرٹینمنٹ کا ڈرامہ ‘تیرے بن’ میں یمنیٰ زیدی کی اداکاری کو اس قدر پسند کیا گیا کہ وہ راتوں رات ایک بڑی اسٹار بن گئیں۔
اس کے بعد بھی اداکارہ نے ہٹ ڈراموں میں کام کیا جس کے بعد وہ سب کے دلوں پر راج کررہی ہیں۔
یہ بھی پڑھیں
’مشکل قسم کی انسان ہوں‘، یمنیٰ زیدی نے سنگل ہونے کی وجہ بتادی
یمنیٰ زیدی دوران شوٹنگ حادثے سے بال بال بچ گئیں
حال ہی میں یمنیٰ زیدی نے ایک تقریب میں شرکت کی جہاں انہوں نے اپنے مداحوں سے گفتگو کرتے ہوئے بتایا کہ کسی بھی پروجیکٹ کا انتخاب کرنے سے پہلے میں بہت الجھن کا شکار رہتی ہوں کہ میں نے اپنے مداحوں کے دلوں میں جگہ بنائی ہے کہیں میں وہ کھو نہ دوں، اس لیے میں بہت احتیاط سے اور بہت دھیان سےٹارگٹ کرکے اپنا اگلا پروجیکٹ کرتی ہوں۔
انہوں نے کہا کہ اگلے پروجیکٹ پر کام جاری ہے، ابھی اس پروجیکٹ کی صرف اسکرپٹ پڑھنے کا کام کیا جارہا ہے، عنقریب نئے پروجیکٹ میں نظر آؤں گی۔
اداکارہ نے آخر میں اپنے تمام مداحوں کا دل سے شکریہ ادا بھی کیا۔























