پنجاب اور سندھ کے وزیراعلی کی دوڑ ، نیا مقابلہ شروع ، کوئی بھی جیتے فائدہ عوام کا ہوگا اس مقابلے میں خیبر پختون خوا اور بلوچستان کے وزیراعلی کو بھی دوڑنا چاہیے ۔
جی ہاں سندھ اور پنجاب کے درمیان ایک نیا مقابلہ شروع ہو گیا ہے اور اس مرتبہ دونوں صوبوں کے وزیراعلی کی دوڑ ہے دیکھنا ہے یہ دوڑ کون جیتے گا یہ تو طے ہے جیت کسی کی بھی ہو فائدہ عوام کا ہوگا کہ وہ کہ یہ مقابلہ ہی ایسا ہے اسی لیے تو کہا جا رہا ہے کہ خیبر پختون خواہ اور بلوچستان کے وزیراعلی کو بھی اس میں دوڑنا چاہیے اور اس مقابلے کو مزید دلچسپ اور سخت بنانا چاہیے یہ مقابلہ ہے کیا ۔یہ مقابلہ اپنے اپنے صوبے میں سب سے بڑا دل کا ہسپتال بنانے کا مقابلہ ہے اسی طرح دیگر شعبوں میں بھی بڑے بڑے ہسپتال بنانے کی دوڑ شروع ہو چکی ہے پنجاب کی وزیراعلی مریم نواز شریف نے اپنے والد نواز شریف کے نام پر لاہور میں ایک ہزار بستر کا سب سے بڑا امراض قلب دل کا سب سے بڑا ہسپتال بنانے کا اعلان کیا ہے اور ان کا یہ بھی دعوی ہے کہ وہ اپنی مدت اقتدار ختم ہونے سے پہلے اس بات کو یقینی بنائیں گی کہ ہر ضلع میں اسپتال اور علاج موجود ہو اور دوسرے ضلعے میں مریضوں کو نہ جانا پڑے یہ اچھی بات ہے اور اس اعلان کا سب نے ویلکم کیا ہے اور اس پر عمل بھی عہدہ ہوا نظر ا رہا ہے کام تیزی سے اگے بڑھ رہا ہے جو اچھی بات ہے دوسری طرف سندھ کے وزیراعلی سید مراد علی شاہ نے اپنی پارٹی کے بانی شہید ذوالفقار علی بھٹو کے نام پر 1200 بستر کا دنیا کا سب سے بڑا دل کا ہسپتال بنانے کا اعلان کر رکھا ہے اور اس پر بھی وہ تیزی سے کام کر رہے ہیں اور سندھ کا محکمہ صحت صوبائی وزیر صحتڈاکٹر عذرا پیچوہو کی سربراہی میں بہت ہی شاندار کام کر رہا ہے جس کی دنیا بھر میں تعریف ہو رہی ہے اب سارے ملک سے مریض علاج کرانے کے لیے سندھ کے ہسپتالوں میں اتے ہیں اس لیے ضروری ہے کہ دیگر صوبوں کے وزیراعلی بھی اپنے اپنے صوبے میں صحت اور علاج معالجے کے حوالے سے زیادہ کام کریں اور بہتر ہسپتال اور علاج معالجے کی سہولتیں فراہم کرنے پر توجہ دیں جو بھی اس سلسلے میں کام کر رہا ہے وہ قابل تعریف ہے اور جہاں کام کی رفتار کم ہے اس کو مزید تیز کرنے کی ضرورت ہے عوام کو بھی اپنے حکمرانوں پر زور دینا چاہیے کہ وہ دہلیز پر علاج کی فراہمی یقینی بنانے کے اقدامات کریں
صوبائی وزیر مریم نواز شریف نے تو پنجاب میں کینسر اور دیگر مریضوں کی ادویات ان کی دہلیز پر پہنچانے اور گھر کا دروازہ کھٹکھٹا کر ادویات فراہم کرنے کا منصوبہ کامیابی سے شروع کیا ہے اور اس میں دعائیں بھی سمیٹ رہی ہیں اور یہی منصوبہ اگے بڑھتا ہوا جا رہا ہے دیگر مریضوں کے لیے بھی ۔ ضرورت اسی بات کی ہے کہ اس طرح کے مقابلے کیے جائیں اس طرح کی دوڑ میں سب دوڑیں اور عوام کا فائدہ ہو اور عوام کو بہتر سے بہتر سہولیات دستیاب کی جائیں
=========================
وزیراعلیٰ سندھ مراد علی شاہ نے ایک اہم اعلان کرتے ہوئے کراچی کے علاقے لانڈھی میں زیر تعمیر ‘ذوالفقار علی بھٹو انسٹیٹیوٹ آف کارڈیو ویسکیولر ڈیزیزز کا بتایا جسے دنیا کا سب سے بڑا دل کا اسپتال قرار دیا جا رہا ہے۔
وزیراعلیٰ سندھ سید مراد علی شاہ کی زیر صدارت اجلاس میں سندھ انسٹیٹیوٹ آف کارڈیو ویسکیولر ڈیزیزز (ایس آئی سی وی ڈی) کی کارکردگی اور مستقبل کے ترقیاتی منصوبوں کا جائزہ لیا گیا۔
اجلاس میں وزیر صحت ڈاکٹر عذرا فضل پیچوہو، چیف سیکریٹری آصف حیدر شاہ، سیکریٹری صحت ریحان بلوچ، سیکریٹری وزیراعلیٰ زمان ناریجو اور ایگزیکٹو ڈائریکٹر ایس آئی سی وی ڈی پروفیسر جاوید سیال سمیت دیگر سینئر افسران نے شرکت کی۔
وزیراعلیٰ نےایس آئی سی وی ڈی کو عوامی صحت کا مثالی ماڈل قرار دیا اور کہا کہ اس ادارے میں دل کے ہنگامی علاج، پیچیدہ سرجریوں اور بچوں کو امراض قلب کی تمام خدمات مکمل طور پر مفت فراہم کی جا رہی ہیں۔
یہ عظیم منصوبہ 1,200 بستروں پر مشتمل ہوگا جس میں 5 جدید آپریٹنگ تھیٹرز، 4 کیتھ لیبز، 1 ہائبرڈ لیب، جدید سی ٹی اور ایم آر آئی سہولیات، بچوں کے امراض قلب کا جامع علاج، ایک تحقیقی مرکز اور نرسنگ اسکول شامل ہوں گے۔ یہ منصوبہ پاکستان کو امراضِ قلب کے علاج اور طبی تحقیق میں خطے کا رہنما بنانے کی جانب ایک انقلابی قدم ہے۔
وزیراعلیٰ سندھ کو ایس آئی سی وی ڈی کے آئندہ توسیعی منصوبوں پر بریفنگ دی گئی جن میں ٹنڈو محمد خان اور حیدرآباد میں اہم ترقیاتی کام شامل ہیں۔
ٹنڈو محمد خان میں ایس آئی سی وی ڈی کی نئی سہولت جلد افتتاح کےلیے تیار ہے جس میں ایک اضافی آپریشن تھیٹر، بچوں کے لیے خصوصی انتہائی نگہداشت یونٹ (پی آئی سی یو) سرجیکل آئی سی یو اور جدید ٹیکنالوجی سے آراستہ سینٹرل اسٹرل سروسز ڈپارٹمنٹ (سی ایس ایس ڈی) شامل ہوں گے۔ یہ سہولیات علاقے میں جراحی کی صلاحیت اور خصوصی نگہداشت کو نمایاں طور پر بہتر بنائیں گی۔
حالیہ افتتاح شدہ سہولیات میں ایک نیا آٹھ بستروں پر مشتمل ٹریاژ یونٹ شامل ہے جو نازک حال مریضوں کی فوری جانچ کے لیے مخصوص ہے جبکہ ایک 19 بستروں والا ایمرجنسی ڈپارٹمنٹ بھی فعال کر دیا گیا ہے جو پیچیدہ امراضِ قلب کی ہنگامی صورتحال سے فوری اور مؤثر انداز میں نمٹنے کےلیے مکمل طور پر لیس ہے۔ یہ اقدامات حکومت کی صحت تک خصوصاً پسماندہ علاقوں کے لیے مساوی رسائی کو یقینی بنانے کے عزم کا مظہر ہیں۔
وزیراعلیٰ کو ادارے کے طویل المدتی وژن کے تحت گراؤنڈ پلس سات منزلہ عمارت کی منصوبہ بندی سے آگاہ کیا گیا جس میں 300 بستروں پر مشتمل ان پیشنٹ سہولیات، بچوں کے دل کی جدید نگہداشت، مزید آپریٹنگ تھیٹرز اور کیتھ لیبز، سی ٹی اور ایم آر آئی کی جدید سہولیات شامل ہوں گی۔
وزیراعلیٰ مراد علی شاہ نے تعمیراتی کام کی تیز رفتار تکمیل، معیار کو یقینی بنانے اور مریضوں کو مرکزِ نگاہ رکھنے کی ہدایت کی۔ انہوں نے یہ بھی ہدایت دی کہ مانیٹرنگ کے نظام کو مضبوط کیا جائے تاکہ ہر اخراجات کا مؤثر اور قابلِ پیمائش نتیجہ سامنے آئے۔
==============================
وزیراعلیٰ پنجاب مریم نواز شریف کی زیرِ صدارت پاکستان مسلم لیگ (ن)کی پارلیمانی پارٹی کا اجلاس
وزیراعلیٰ مریم نواز کی ارکان اسمبلی سے انکی نشستوں پر جا کر ملاقات، حال احوال دریافت کیا،آ پریشن بنیان مرصوص کے شہدا کیلئے فاتحہ خوانی
محمد نواز شریف، وزیر اعظم محمد شہباز شریف اورفیلڈ مارشل سید عاصم منیر کو زبردست خراج تحسین، 80 سے زائد ڈویلپمنٹ پراجیکٹ شروع کرنے پر ارکان اسمبلی کا اظہار تشکر
وفاقی معاون خصوصی برائے سیاسی اموررانا ثنا ء اللہ نے وزیر اعلیٰ مریم نواز کے عام آدمی کی بھلائی کے اقدامات کو سراہا، سپیکر پنجاب اسمبلی ملک محمد احمد خان نے بھی شکریہ ادا کیا
وزیراعلیٰ مریم نواز شریف کی ارکان اسمبلی کوپہلے جامع اور منفردبیوٹی فکیشن پلان اور ہر پراجیکٹ پر خودتین گھٹنے طویل بریفنگ
بیوٹی فکیشن پلان کے تحت ہر ڈسٹرکٹ کے بازاروں میں لٹکتے بے ہنگم بجلی کے تار انڈر گراؤنڈ کیے جائیں گے، ہر تحصیل میں ریڑھی بازار قائم اور مختلف شہروں میں کینالز کو سجایا جائیگا
بیوٹی فکیشن پلان کے تحت بازاروں کی ری ماڈلنگ، انفراسٹرکچر میں بہتری لائی جائے گی اور فوڈ سٹریٹ بھی قائم کی جائیں گی
وزیراعلیٰ مریم نوازشریف کا پارلیمانی پارٹی کے اجلاس میں صوبے میں متعددبڑے پراجیکٹس شروع کرنے کااعلان
صوبہ بھر میں پنجاب ڈویلپمنٹ پلان لانے کا اعلان، 60-شہروں میں پنجاب ڈویلپمنٹ پراجیکٹ اسی سال مکمل کرنے کا فیصلہ
سال کے آخر تک ایک لاکھ گھروں کی تعمیر کا ہدف مکمل کرنے،پنجاب کے 800 گاؤں کو ماڈل ویلج بنانے،نادار اور ضرورت مندوں کیلئے راشن کارڈ لانچ کرنے کا اعلان
فیصل آباد اور گوجرانوالہ میں میٹرو بس سروس جلد شروع کرنے، لاہور کینال روڈ پر اے آر ٹی ٹرانسپورٹ پراجیکٹ جلد شروع کرنے کا اعلان
اگلے سال سے سڑکوں کی تعمیر و توسیع کیلئے ڈھائی سو ارب کے فنڈز دینے،ہر بڑے شہر میں واسا قائم کرنے،ہرڈویڑن میں سینٹر آف ایکسی لنس کنڈرگارٹن کیمپس بنانے کا اعلان
کوئی ڈسٹرکٹ یا تحصیل بیوٹی فکیشن پلان سے محروم نہیں رہے گا، ارکان اسمبلی میرے بہن، بھائیوں کی طرح اور آنکھیں اور کان کے مترادف ہیں: مریم نوازشریف
جرائم پیشہ افراد کے خلاف بے رحمانہ آپریشن کرینگے،شرپسند عناصر پنجاب میں بدامنی پھیلانے کی کوشش کرتے ہیں،چند ماہ میں پنجاب کے سب شہر سیف سٹی ہونگے
جووعدہ کروں گی پورا کروں گی، تجاوزات کے خاتمے سے صوبہ بھر میں بازار کھلے اور عوام خوش ہیں،ستھرا پنجاب کو روز بروز بہتر سے بہترین بنانے کی کوشش کررہے ہیں
8ہزار پر مشتمل پیرا فورس انسداد تجاوزات،پرائس کنٹرول اور دیگر امور کے لئے کام شروع کرنے کیلئے تیار، عوام کا پیسہ اب عوام پر ہی خرچ ہورہا ہے
لاہور ڈویلپمنٹ پلان کے تحت6 ہزار گلیاں کی تعمیر ومرمت اورانڈرگراؤنڈ واٹر ٹینک، سیور وغیرہ بن رہے ہیں، لاہور میں 450 کلومیٹر طویل سیور لائن ڈالی جارہی ہے
ایک ایک پیسہ عوام کی امانت ہے، سوچ سمجھ کر خرچ کرنا ہے، نیک نیتی سے کام کررہے ہیں اللہ تعالیٰ ضرور اجر دے گا: وزیراعلیٰ مریم نوازشریف کی گفتگو
لاہور21 – مئی:…… وزیراعلیٰ پنجاب مریم نواز شریف کی زیرِ صدارت پاکستان مسلم لیگ (ن)کی پارلیمانی پارٹی کا اجلاس منعقد ہوا۔ پاکستان مسلم لیگ (ن) پارلیمانی پارٹی کے اجلاس میں آپریشن بنیان مرصوص کے شہدا کے لئے فاتحہ خوانی کی گئی۔ وزیراعلیٰ مریم نواز شریف نے ارکان اسمبلی کوپہلے جامع اور منفردبیوٹی فکیشن پلان اور ہر پراجیکٹ کے بارے میں خودتین گھٹنے طویل بریفنگ دی۔اجلاس میں گفتگو کرتے ہوئے وزیراعلیٰ مریم نوازشریف نے بتایا کہ بیوٹی فکیشن پلان کے تحت ہر ڈسٹرکٹ کے بازاروں میں لٹکتے بے ہنگم بجلی کے تار انڈر گراؤنڈ کیے جائیں گے۔ ہر ڈسٹرکٹ اور تحصیل میں ریڑھی بازار قائم ہوگا اور مختلف شہروں میں کینالز کوبھی سجایا جائے گا۔ بیوٹی فکیشن پلان کے تحت بازاروں کی ری ماڈلنگ، انفراسٹرکچر میں بہتری لائی جائے گی اور فوڈ سٹریٹ بھی قائم کی جائیں گی۔ وزیراعلیٰ مریم نواز شریف نے پارلیمانی پارٹی کے اجلاس میں ارکان اسمبلی سے انکی نشستوں پر جا کر ملاقات کی اور ارکان اسمبلی سے حال احوال دریافت کیا۔ ارکان اسمبلی نے آپریشن بنیان مرصوص کی کامیابی پر مبارکباد پیش کی۔ ارکان اسمبلی نے قائد محمد نواز شریف، وزیر اعظم محمد شہباز شریف اورفیلڈ مارشل سید عاصم منیر کو زبردست خراج تحسین پیش کیا۔ ارکان اسمبلی نے بیک وقت 80 سے زائدبڑے ڈویلپمنٹ پراجیکٹ شروع کرنے پر وزیراعلیٰ مریم نوازشریف کا شکریہ ادا کیا۔ وزیراعلیٰ مریم نواز شریف نے پاکستان مسلم لیگ(ن) کی پارلیمانی پارٹی اجلاس میں صوبہ بھر میں نئے پراجیکٹس لانے کے اعلانات کیے۔ صوبہ بھر میں پنجاب ڈویلپمنٹ پلان لانے کا اعلان کیا۔ 60-شہروں میں پنجاب ڈویلپمنٹ پراجیکٹ اسی سال مکمل کرنے کا فیصلہ کیا گیا۔ وزیراعلیٰ مریم نواز شریف نے پنجاب کے 800 گاؤں کو بتدریج ماڈل ویلج بنانے کا اعلان کیا۔ ارکان اسمبلی کی مشاورت سے دیہات میں 400کلو میٹر چھوٹی رابط سڑکوں کی تعمیر و توسیع کا اعلان کیا۔ وزیراعلیٰ مریم نوازشریف نے اگلے سال سے سڑکوں کی تعمیر و توسیع کیلئے ڈھائی سو ارب کے فنڈز دینے کا اعلان کیا۔اجلاس میں 1100 الیکٹرک بسیں پنجاب کے تمام اضلاع کو دینے کا اعلان کیا۔ سال کے آخر تک ایک لاکھ گھروں کی تعمیر کا ہدف مکمل کرنے کے عزم کا اعادہ کیا گیا۔ فیصل آباد اور گوجرانوالہ میں میٹرو بس سروس جلد شروع کرنے کا اعلان کیا۔ لاہور کینال روڈ پر اے آر ٹی ٹرانسپورٹ پراجیکٹ بھی جلد شروع کرنے کا اعلان کیا۔ وزیراعلیٰ مریم نوازشریف نے پنجاب بھر میں نادار اور ضرورت مندوں کے لئے راشن کارڈ جلد لانچ کرنے کا اعلان کیا۔ ہر بڑے شہر میں واسا قائم کرنے کا اعلان کیا۔ہرڈویڑن میں سینٹر آف ایکسی لنس کنڈرگارٹن کیمپس بنانے کا اعلان کیا۔ وزیراعلیٰ مریم نوازشریف نے پارلیمانی پارٹی کے اجلاس سے خطاب کرتے ہوئے کہا کہ جو وعدہ کروں گی پورا کروں گی۔ تجاوزات کے خاتمے سے صوبہ بھر میں بازار کھلے اور عوام خوش ہیں۔ پنجاب کے دور دراز علاقوں میں پانی کی فراہمی یقینی بنائیں گے۔ ستھرا پنجاب کو روز بروز بہتر سے بہترین بنانے کی کوشش کررہے ہیں۔ شہروں کے بعد پہلی مرتبہ گاؤں کو بھی صفائی پروگرام میں شامل کیا گیا۔ وزیراعلیٰ مریم نوازشریف نے کہا کہ کوئی ڈسٹرکٹ یا تحصیل بیوٹی فکیشن پلان سے محروم نہیں رہے گا۔ ارکان اسمبلی میرے بہن، بھائیوں کی طرح اور آنکھیں اور کان کے مترادف ہیں۔ انہوں نے کہا کہ جرائم پیشہ افراد کے خلاف بے رحمانہ آپریشن کرینگے۔ شرپسند عناصر پنجاب میں بدامنی پھیلانے کی کوشش کرتے ہیں۔ سی ٹی ڈی کو مضبوط بنا یا، صوبہ بھر میں کومبنگ آپریشن ہورہے ہیں۔ چند ماہ میں پنجاب کے سب شہر سیف سٹی ہونگے۔ پنجاب میں مؤثر اینٹی نارکوٹکس فورس کو متحرک کردیا گیا۔ بے زبان جانوروں کے تحفظ کی بھی مؤثر مہم جاری ہے۔ وزیراعلیٰ مریم نوازشریف نے کہا کہ 8ہزار پر مشتمل پیرا فورس انسداد تجاوزات،پرائس کنٹرول اور دیگر امور کے لئے کام شروع کرنے کے لئے تیار ہے۔لاہور ڈویلپمنٹ پلان کے تحت6 ہزار گلیاں، سیور اور واٹر ٹینک وغیرہ بن رہے ہیں۔ عوام کا پیسہ اب عوام پر ہی خرچ ہورہا ہے۔ ایک ایک پیسہ عوام کی امانت ہے، سوچ سمجھ کر خرچ کرنا ہے۔ نیک نیتی سے کام کررہے ہیں اللہ تعالیٰ ضرور اجر دے گا۔ رمضان پیکج کی شفافیت کی ماضی میں مثال نہیں ملتی۔ وزیراعلیٰ مریم نوازشریف نے کہا کہ عوام کے ساتھ ساتھ کاشتکاروں کا مفاد بھی پیش نظر ہے۔ لاہور میں 450 کلومیٹر تک سیور لائن ڈالی جارہی ہے۔ عوام کی خدمت میں معاونت کرنے والی ٹیم کا بھی شکریہ ادا کرتی ہوں۔معاون خصوصی برائے سیاسی اموررانا ثنا ء اللہ نے وزیر اعلیٰ مریم نواز شریف کے عام آدمی کی بھلائی کے اقدامات کو سراہا۔ سپیکر پنجاب اسمبلی ملک محمد احمد خان نے وزیر اعلیٰ مریم نواز شریف کا شکریہ ادا کیا۔ اجلاس میں رکن پنجاب اسمبلی ارشد وڑائچ مرحوم اور ایم پی اے فیصل کے والد مرحوم کے لئے بھی دعا مغفرت کی گئی۔
