ڈیرہ غازی خان (۔ )محکمہ تعلقات عامہ اور پنجاب انسداد پولیو پروگرام کے تحت سیمینار کا انعقاد کیا گیا جس میں سی ای او ہیلتھ ڈاکٹر عتیق الرحمن اور پنجاب انسداد پروگرام کے ترجمان واصف علی نے پولیو کے تدارک میں میڈیا کے کردار پر بریفنگ دی۔ سی ای او ہیلتھ ڈیرہ غازی خان ڈاکٹر عتیق الرحمن نے کہا کہ پولیو کے مثبت ماحولیاتی نمونوں کے حوالے سے ضلع گزشتہ سال پنجاب میں پہلے اور اس سال دوسرے نے نمبر پر رہا ہے۔پولیو وائرس کی منتقلی روکنے کےلئے بروقت ویکسینیشن ضروری ہے۔ قومی پولیو مہم 26 مئی سے شروع ہونے جارہی ہے جس میں ضلع میں موجود پانچ سال سے کم عمر کے ہر بچہ کو پولیو کی حفاظتی ویکسین پلانا ہوگی۔انہوں نے کہا کہ ٹرائی بارڈر ایریا کی وجہ سے حساس ڈویژن ہے۔ بلوچستان،سندھ اور خیبر پختونخواں سے ہائی رسک پاپولیشن کی نقل و حرکت جاری رہتی ہے
پنجاب انسداد پولیو پروگرام کے ترجمان واصف علی نے کہا کہ پولیو ترغیبی مہم کےلئے میڈیا اہم کردار ادا کرسکتا ہے۔پولیو کے قطرے پلانے مہم کامیاب بنانے کے حوالے سے میڈیا کا کردار بہت اہم ہے ۔میڈیا اس بیماری کے خاتمے میں اپنا قومی کردار ادا کرے راۓ عامہ کی بیداری اور اس بیماری بارے آگاہی کا کام میڈیا ہی کرسکتا ہے۔پولیو مہم کے نقاٸص کی نشاندہی کرکے میڈیا مثبت کردار ادا کرسکتا ہے ۔صحافی علما سول سوسائٹی اساتذہ اور طلبہ اس موذی مرض سے بچاؤ کی مہم میں ہراول دستے کا کردار ادا کرسکتے ہیں۔آگاہی ورکشاپ میں محکمہ اطلاعات کے افسران، سینئر صحافیوں،یونیسف کے ریجنل کوارڈینیٹر اطہر کلیم اور دیگر نے شرکت کی
