کراچی: امیدواروں کی جانب سے جنگی صورتحال سے نمٹنے کیلئے طبی امداد فراہم کرنے کا عملی مظاہرہ بھی پیش کیا گیا۔
کراچی () فیڈرل سول ڈیفنس ٹریننگ اسکول گلشن اقبال کراچی میں ایمرجنسی سروس ماسٹر ٹریننگ کورس (ESM-01) اختتام پذیر ہوگیا۔ اختتامی تقریب میں کورس انچارج انسٹرکٹر محمد عارف، انسٹرکٹر محمد طاہر اور انسٹرکٹر فیصل ندیم کی خصوصی شرکت۔ کورس 21 اپریل 2025 سے 16 مئی 2025 تک جاری رہا۔ جس میں مختلف محکموں سے تعلق رکھنے والے 15 امیدواروں نے کامیابی اپنے نام کی۔ کمانڈنٹ فریڈرل سول ڈیفنس محبوب علی شیخ کے مطابق سول ڈیفنس کے ماہر انسٹرکٹرز کی نگرانی تحریری و عملی تربیت فراہم کی۔ اختتام پر امتحانات کا انعقاد بھی کیا گیا۔ کورس انچارج انسٹرکٹر محمد عارف نے کہا کہ ہوائی حملوں، حادثات و سانحات کی صورتحال میں اپنی حفاظت کے ساتھ ساتھ دوسروں کی زندگیوں کو محفوظ بنانے کی عملی تربیت فراہم کی گئی۔ جس میں فائر کی تربیت، ریسکیو آپریشن و زخمیوں کو بروقت طبی امداد فراہم کرنے کی مشق سمیت دیگر جنگی صورتحال سے نمٹنے کیلئے اہم تربیت فراہم کی گئی۔
