پاکستان اور دیگر ممالک کے لیے موسمی پیشنگوئی (آج اور اگلے 7 دن)
پاکستان کے 10 بڑے شہر:
کراچی: آج زیادہ سے زیادہ 35°C، کم سے کم 28°C، جزوی طور پر بادل۔ اگلے 7 دنوں میں اسی طرح گرم اور مرطوب موسم۔
لاہور: آج 38°C، کم 26°C، خشک اور دھوپ۔ اگلے ہفتے گرمی میں اضافہ ہوگا۔
اسلام آباد: آج 32°C، کم 20°C، ہلکی بارش کا امکان۔ اگلے ہفتے معتدل درجہ حرارت۔
فیصل آباد: آج 37°C، کم 25°C، صاف آسمان۔
راولپنڈی: آج 33°C، کم 21°C، ہلکی ہوا۔
ملتان: آج 40°C، کم 28°C، شدید گرمی۔
گوجرانوالہ: آج 36°C، کم 24°C، خشک موسم۔
پشاور: آج 34°C، کم 23°C، ہلکی بارش کا امکان۔
کوئٹہ: آج 28°C، کم 15°C، ٹھنڈی ہوا۔
حیدرآباد: آج 36°C، کم 27°C، مرطوب موسم۔
چترال، سوات اور مری:
چترال: آج 25°C، کم 12°C، ٹھنڈی ہوا۔
سوات: آج 28°C، کم 16°C، ہلکی بارش۔
مری: آج 22°C، کم 14°C، خوشگوار موسم۔
ہمسایہ ممالک کے 3 بڑے شہر:
دہلی (بھارت): آج 39°C، کم 28°C، گرم اور خشک۔
کابل (افغانستان): آج 30°C، کم 18°C، صاف آسمان۔
تہران (ایران): آج 36°C، کم 24°C، دھوپ۔
G5 ممالک اور ترکی:
نیویارک (امریکہ): آج 22°C، کم 15°C، بارش کا امکان۔
لندن (برطانیہ): آج 18°C، کم 12°C، بادل۔
ٹوکیو (جاپان): آج 26°C، کم 20°C، مرطوب۔
پیرس (فرانس): آج 20°C، کم 14°C، ہلکی بارش۔
برلن (جرمنی): آج 19°C، کم 13°C، معتدل۔
استنبول (ترکی): آج 27°C، کم 19°C، دھوپ۔
پنجاب بھر میں گرمی کی شدت میں اضافہ، آئندہ چار روز تک ہیٹ ویو برقرار رہے گی
لاہور سمیت پنجاب بھر میں گرمی کی شدت میں اضافہ ہو گیا ہے اور محکمہ موسمیات نے آئندہ چار روز تک صوبے بھر میں ہیٹ ویو اور گرمی کی لہر برقرار رہنے کی پیشگوئی کی ہے۔
محکمہ موسمیات کے مطابق آج لاہور کا زیادہ سے زیادہ درجہ حرارت 43 ڈگری سینٹی گریڈ ریکارڈ کیا گیا۔ بہاولنگر، رحیم یار خان، بھکر اور کوٹ ادو میں درجہ حرارت 45 سے 47 ڈگری سینٹی گریڈ تک پہنچ گیا۔ اس کے علاوہ ٹوبہ ٹیک سنگھ، سرگودھا، ساہیوال، اوکاڑہ، ملتان، منڈی بہاؤالدین، خانیوال، قصور اور فیصل آباد میں درجہ حرارت 42 سے 43 ڈگری سینٹی گریڈ ریکارڈ کیا گیا۔ محکمہ موسمیات نے آئندہ چار روز کے دوران صوبے بھر میں درجہ حرارت میں تین سے چار ڈگری سینٹی گریڈ مزید اضافے کا امکان ظاہر کیا ہے۔
طبی ماہرین نے ہیٹ ویو کے دوران غیر ضروری طور پر گھروں سے باہر نہ نکلنے اور بچوں، بزرگوں اور بیمار افراد کو خصوصی احتیاط کرنے کی ہدایت کی ہے۔ پنجاب ڈیزاسٹر مینجمنٹ اتھارٹی (پی ڈی ایم اے) نے بھی شدید گرمی کی لہر کے پیش نظر تمام متعلقہ اداروں کو الرٹ رہنے اور صوبے کے تمام ہسپتالوں میں ہیٹ ویو کاؤنٹر قائم کرنے کی ہدایت جاری کر دی ہے۔
تاہم، محکمہ موسمیات نے 19 مئی سے مغربی ہواؤں کے پاکستان میں داخل ہونے کے بعد درجہ حرارت میں کمی اور دو روز کے لیے بارش کی نوید بھی سنائی ہے۔
15 سے 19 مئی: خیبرپختونخوا میں گرمی میں اضافے کا امکان
پشاور: پی ڈی ایم اے نے خیبرپختونخوا میں 15 سے 19 مئی کے دوران شدید گرمی کی پیش گوئی کی ہے، جس میں درجہ حرارت معمول سے 5 سے 7 ڈگری سینٹی گریڈ زیادہ رہنے کا امکان ہے۔ 19 اور 20 مئی سے بالائی علاقوں میں بارش اور ژالہ باری کا بھی امکان ہے۔ ان حالات کے پیش نظر تمام ضلعی انتظامیہ کو الرٹ جاری کر دیا گیا ہے۔
پی ڈی ایم اے نے گرمی اور خشک موسم کے باعث ہیٹ اسٹروک اور آبی ذخائر پر دباؤ کا خدشہ ظاہر کیا ہے۔ کسانوں کو پانی کا مناسب انتظام کرنے اور عوام کو سورج میں احتیاط برتنے کی بھی ہدایات دی گئی ہیں۔ بزرگوں اور بچوں کو صبح 10 سے شام 5 بجے تک دھوپ میں نہ نکلنے کا مشورہ دیا گیا ہے۔
محکمہ صحت، ریسکیو اور دیگر متعلقہ اداروں کو الرٹ رہنے اور ہیٹ اسٹروک سینٹرز فعال رکھنے کی ہدایت کی گئی ہیں۔ مویشیوں کا خیال رکھنے کی بھی تاکید کی گئی ہیں۔ عوام کو سفر سے پہلے گاڑیوں کی دیکھ بھال کرنے کا مشورہ دیا گیا ہے۔
کسی بھی ناخوشگوار واقعے کی اطلاع پی ڈی ایم اے کی ہیلپ لائن 1700 پر دی جا سکتی ہے-
ملک کے بیشتر علاقے اگلے چار روز شدید گرمی کی لپیٹ میں رہیں گے: محکمہ موسمیات
اسلام آباد: محکمہ موسمیات نے پیش گوئی کی ہے کہ ملک کے بیشتر علاقے اگلے چار روز کے دوران شدید گرمی کی لہر کی لپیٹ میں رہیں گے۔ 15 سے 19 مئی تک ملک کے بالائی علاقوں بشمول وسطی اور بالائی پنجاب، اسلام آباد، خیبرپختونخوا، کشمیر اور گلگت بلتستان میں دن کا درجہ حرارت معمول سے 5 سے 7 ڈگری سینٹی گریڈ زیادہ رہنے کی توقع ہے۔
اسی طرح، 15 سے 20 مئی کے دوران ملک کے جنوبی علاقوں یعنی سندھ، جنوبی پنجاب اور بلوچستان میں دن کا درجہ حرارت معمول سے 4 سے 6 ڈگری سینٹی گریڈ زیادہ رہنے کا امکان ہے۔
محکمہ موسمیات نے شہریوں کو ہدایت کی ہے کہ وہ اس دوران احتیاطی تدابیر اختیار کریں اور غیر ضروری طور پر دھوپ میں نکلنے سے گریز کریں۔ زیادہ سے زیادہ پانی پئیں اور ہلکے رنگ کے ڈھیلے ڈھالے کپڑے پہنیں۔
اس پوسٹ کو شیئر کریں
