(کراچی (اسٹاف رپورٹر
پاکستان فلم انڈسٹری کے لیجنڈ اور مایہ ناز اداکار مصطفی قریشی نےآج ۱۱ مئی کو پاکستان فلم ٹی وی جرنلسٹس ایسو سی ایشن کی جانب سے کراچی پریس کلب میں اپنی 88 ویں سالگرہ کی تقریب منسوخ کرنے کا اعلان کرتے ہوئے کہا ہے میں فلم ٹی وی جرنلسٹس ایسو سی ایشن اور پریس کلب کے ممبران کا شکر گزار ہوں کہ انہوں نے کلب میں کیک کٹنگ کا اہتما م کیا مگر ایک ایسے وقت میں جب ہمارا ملک حالت جنگ میں ہیں مکار دشمن بھارت جارحیت کرتے ہوئے ہمارے معصوم بچوں اور شہریوں کو شہید کر رہا ہمارے دل افسردہ ہیں میری دنیا بھر کے پاکستان، یورپ ، گلف مشرقی پنجاب کے
اپنے پرستاروں سے درخواست ھے کہ وہ Happy birthday کے بجائے Happy Pakistan کے پیغامات بھیجیں کیونکہ ہم سب کے لیے سب سے پہلے پاکستان ھے جس کی خاطر ہم اپنی جانیں بھی قربان کرنے کو تیار ہیں ہمارا دشمن نریندر مودی یہ نہیں جانتا کہ اس نے کس قوم کو للکارا ھے جو شہادت کو اعزاز سمجھتی ھے ،مصطفی قریشی نے مزید کہا کہ ہم فنکاروں نے 1965 کی جنگ میں اپنے فوجیوں کے شانہ بشانہ جنگ میں حصہ لیا تھا اور سرحدوں پر جاکر جنگی ترانے گائے تھے اور اب بھی ضرورت پڑی تو ہم اپنی پاک فوج کے شانہ شانہ ساتھ مل کر اگلے مورچوں پر جا کر فوجی بھائیوں کی حوصلہ افزائی کرینگے
