جو تاجر گاہک سے کریڈٹ یا ڈیبٹ کارڈ نہ لیں،اس کو ٹیکس چور سمجھا جائے
کارڈ سے ادائیگی نہ لینے والے تاجر ٹیکس چور تصور کیے جائیں گے
کراچی: – سندھ حکومت نے ڈیجیٹل ادائیگیوں کو فروغ دینے اور صارفین کے حقوق کے تحفظ کے لیے ایک اہم قدم اٹھاتے ہوئے فیصلہ کیا ہے ۔
تفصیلات کے مطابق، سندھ کنزیومر پروٹیکشن اتھارٹی نے کراچی کے معروف ریسٹورنٹس اور شاپنگ مالز کو نوٹس جاری کر دیے ہیں جو کریڈٹ یا ڈیبٹ کارڈ کے ذریعے ادائیگی کی سہولت فراہم نہیں کرتے۔ ان میں کراچی بروسٹ، فرنٹیئر، بیٹھک، نہاری ان اور دیسی ڈیرا جیسے بڑے نام شامل ہیں۔
ڈی جی کنزیومر پروٹیکشن زاہد حسین شر کا واضح پیغام
اتھارٹی کے ڈائریکٹر جنرل زاہد حسین شر نے کہا کہ “کریڈٹ و ڈیبٹ کارڈ سے ادائیگی نہ لینے والے کاروباروں کے خلاف سخت کارروائی کی جائے گی”۔ ان کا کہنا تھا کہ یہ اقدام صارفین کو جدید ادائیگی کے ذرائع فراہم کرنے اور ٹیکس چوری روکنے کے لیے اٹھایا گیا ہے۔
انہوں نے خبردار کیا کہ جو ادارے ڈیجیٹل ادائیگیوں کی سہولت فراہم نہیں کریں گے، ان کے خلاف فوری طور پر قانونی چارہ جوئی کی جائے گی۔ مستقبل میں اس مہم کو صوبے بھر میں وسعت دی جائے گی تاکہ شفاف مالیاتی نظام کو یقینی بنایا جا سکے۔
یہ فیصلہ نہ صرف صارفین کے حقوق کے تحفظ کی جانب ایک اہم پیش رفت ہے بلکہ پاکستان میں ڈیجیٹل معیشت کو مضبوط بنانے کی کوششوں کا حصہ بھی ہے۔
==================
کریڈٹ و ڈیبٹ کارڈ سے ادائیگی نہ لینے والے کاروباروں کیخلاف بڑا فیصلہ
کراچی:(ویب ڈیسک) سندھ حکومت نے صارفین کے حقوق و تحفظ اور ڈیجیٹل ادائیگیوں کے فروغ کیلئے بڑا فیصلہ کرلیا۔
تفصیلات کے مطابق سندھ حکومت نے ایک اہم قدم اٹھاتے ہوئے ایسے کاروباری اداروں کیخلاف سخت کارروائی کا فیصلہ کیا ہے، جو کریڈٹ اور ڈیبٹ کارڈ کے ذریعے ادائیگی کی سہولت فراہم نہیں کرتے۔
محکمہ بیورو آف سپلائی اینڈ پرائسز کے تحت سندھ کنزیومر پروٹیکشن اتھارٹی نے ابتدائی طور پر کراچی کے پوش علاقے کلفٹن میں واقع متعدد معروف ریسٹورنٹس اور فوڈ پوائنٹس کو نوٹسز جاری کر دیے ہیں۔ ان اداروں میں کراچی بروسٹ، فرنٹیئر، بیٹھک، نہاری ان اور دیسی ڈیرا شامل ہیں۔
آٹا مہنگا، گھی سستا،عوام کیلئے جزوی ریلیف
ڈی جی کنزیومر پروٹیکشن اتھارٹی زاہد حسین شر کا کہنا ہے کہ یہ اقدام سندھ کنزیومر پروٹیکشن ایکٹ کی خلاف ورزی پر اٹھایا گیا ہے۔ اُن کے مطابق شہریوں کو ادائیگی کے جدید اور محفوظ ذرائع فراہم کرنا ہر کاروبار کی بنیادی ذمہ داری ہے، اور اس سے انکار کسی طور قابلِ قبول نہیں۔
انہوں نے واضح کیا کہ جن کاروباری اداروں نے اب تک ڈیجیٹل پیمنٹ کی سہولت فراہم نہیں کی، ان کیخلاف قانونی کارروائی کا آغاز ہو چکا ہے اور مستقبل میں مزید اداروں کو بھی اس دائرہ کار میں لایا جائے گا۔
