ایک اور غیر قانونی تقرری – پروفیسر ڈاکٹر عمران احمد صدیقی جامعہ کراچی کے رجسٹرار مقرر
پروفیسر ڈاکٹر عمران احمد صدیقی جامعہ کراچی کے رجسٹرار مقرر
07 مئی ، 2025FacebookTwitterWhatsapp
کراچی(اسٹاف رپورٹر) جامعہ کراچی کے رجسٹرار ڈاکٹر وحید بلوچعہدے سے مستعفی ہوگئے ہیں۔جامعہ کراچی کے رجسٹرار ڈاکٹر وحید بلوچ کی جگہ ڈائریکٹر ایوننگ پروگرام اور شعبہ طبعیات کے پروفیسر ڈاکٹر عمران احمد صدیقی کو جامعہ کراچی کا نیا رجسٹرار مقرر کر دیا گیا ہے۔ ذرائع کے مطابق جامعہ کراچی کے وائس چانسلر اور اساتذہ ڈاکٹر وحید بلوچ کی کارکردگی سے خوش نہیں تھے۔ اور انھیں کہا گیا تھا کہ وہ ازخود استعفیٰ دیدیں ورنہ انھیں برطرف کردیا جائے گا جس کے بعد وہ اپنے عہدے سے مستعفی ہو گئے۔
===========================
سندھ ہائیکورٹ کی جانب سے پانی کی قیمتوں میں اضافہ کیخلاف حکم امتناع میں توسیع
07 مئی ، 2025FacebookTwitterWhatsapp
کراچی ( اسٹاف رپورٹر ) سندھ ہائی کورٹ نے مختلف صنعتوں کی جانب سے پانی کی قیمتوں میں اضافے کے خلاف درخواست پر کابینہ کی منظوری اور منٹس آف میٹنگ طلب کرتے ہوئے قیمتوں میں اضافے سے متعلق حکم امتناع میں توسیع کردی۔ جسٹس محمد اقبال کلہوڑو کی سربراہی میں دو رکنی بینچ کے روبرو مختلف صنعتوں کی جانب سے پانی کی قیمتوں میں اضافے کے خلاف درخواست کی سماعت ہوئی۔ صنعت کاروں کے وکیل نے کہا کہ سندھ حکومت کے 2016 کے نوٹیفکیشن پر عملدرآمد کیا جارہا ہے۔ پانی کی قیمتوں میں اضافے کی منظوری سندھ کابینہ سے لینی ہوتی ہے۔ 2016کے بعد سے کابینہ نے پانی کی قیمتوں میں اضافے کی منظوری نہیں دی، واٹر بورڈ از خود سالانہ اضافہ کررہا ہے۔ کابینہ کی منظوری کے بغیر پانی کی قیمتوں میں اضافہ غیر قانونی ہے۔
========================
انٹر پرچے سوشل میڈیا پر لیک، نیشنل سائبر کرائم انویسٹی گیشن ایجنسی ٹیم تشکیل
07 مئی ، 2025FacebookTwitterWhatsapp
کراچی ( ثاقب صغیر )انٹرمیڈیٹ امتحانات میں پرچوں کی سوشل میڈیا پر لیک ہونے پر معاونت کے لیے نیشنل سائبر کرائم انویسٹی گیشن ایجنسی ٹیم تشکیل دے دی گئی ہے ۔سیکرٹری انٹربورڈ کی جانب سے نیشنل سائبر کرائم انویسٹی گیشن ایجنسی کو بورڈ کی معاونت کے لئے کہا گیا تھا ۔پرچوں کے ممکنہ طور پر لیک ہونے پر تحقیقات کے لئے چئیرمین انٹربورڈ نے این سی سی آئی اے کو خط لکھا تھا جس میں کہا گیا تھا کہ ڈیجیٹل پلیٹ فارمز خصوصاً واٹس ایپ پر مختلف گروہ نہ صرف امتحانی پرچہ امتحان سے قبل لیک کرتے ہیں بلکہ حل شدہ پرچے بھی فراہم کرتے ہیں جس کی وجہ سے حق دار طلباء کا مورال گرتا ہے ۔سیکریٹری بورڈ کے خط پر نیشنل سائبر کرائم انویسٹیگیشن ایجنسی کی جانب سے 6 رکنی سائبر کرائم چھاپہ مار ٹیم تشکیل دے دی گئی ہے اور اس حوالے سے بورڈ انتظامیہ کو آگاہ کر دیا گیا ہے۔حکام کے مطابق امتحانات کے پہلے روز کراچی میں کسی بھی سینٹر پرپرچہ لیک ہونے کی کوئی اطلاع نہیں ملی۔بورڈ انتظامیہ کی شکایت پر سائبر کرائم ٹیم بورڈ متعلقہ امتحانی سینٹر پر چھاپہ مار کارروائی کرے گی۔کارروائی کے لئے بورڈ سیکریٹری کی جانب سے تحریری طور پر آگاہ کرنا ضروری ہوگا ۔سائبر کرائم ٹیم کی تفصیلات تمام سینٹر سپرنٹنڈنٹس اور ویجلنس ٹیموں کو فراہم کرنا بھی لازمی قرار دیا گیا ہے۔
=====================
انٹر بورڈ امتحانی پرچہ واٹس ایپ پر لیک نہ ہونے کی کوشش میں کامیاب
07 مئی ، 2025FacebookTwitterWhatsapp
کراچی( اسٹاف رپورٹر) کراچی میں انٹرمیڈیٹ بورڈ کے تحت ہونے والے سالانہ امتحانات کے پہلے روز کراچی میں کسی بھی سینٹر پرپرچہ لیک ہونے کی کوئی اطلاع ملی اور نہ ہی پرچہ واٹس ایپ پر منظر عام پر آیا۔ اس طرح بورڈ انتظامیہ کئی برس بعد پرچہ وٹس ایپ پر لیک نہ ہونے کی کوشش میں کامیاب ہوگئی۔ ادھر انٹرمیڈیٹ امتحانات میں پرچوں کی سوشل میڈیا پر پرچہ اوٹ ہونے سے روکنے کے لیے نیشنل سائبرکرائم انویسٹیگیشن ایجنسی ٹیم کی معاونت کے لئے سیکرٹری انٹربورڈ کا تقرر کردیا گیا ہے۔ سائبر کرائم کراچی زون کی جانب سے بورڈکومعاونت کے لئے فوکل پرسن کی تعیناتی کا کہا گیا تھا۔ بورڈ سیکرٹری کسی بھی پرچے کی سوشل میڈیا یا واٹس ایپ پرآوٹ ہونے کی اطلاع ٹیم کودیں گے۔ پرچوں کی ممکنہ لیک پر تحقیقات کے لئے چئیرمین انٹربورڈ نے این سی سی آئی اے کو خط لکھا تھا۔ خط پر6 رکنی سائببر کرائم چھاپہ مار ٹیم کے قیام بارے بورڈ انتظامیہ کو آگاہ کر دیا گیا۔ بورڈ انتظامیہ کی شکایت پرسائبرکرائم ٹیم بورڈ متعلقہ امتحانی سینٹر پر چھاپہ مار کارروائی کرے گی۔ کارروائی کے لئے بورڈ سیکرٹری کی جانب سے تحریری طور پر آگاہ کرنا ضروری ہوگا جب کہ سائبرکرائم ٹیم کی تفصیلات تمام سینٹر سپرنٹنڈنٹس اورویجلنس ٹیم کو فراہم کرنا بھی لازمی قرار دے۔
