ایک اور دن، ایک اور PSL کا میچ! ایرن ہالینڈ لاہور میں ہیں اور انہوں نے آج 38 ڈگری کی گرمی میں بھی اپنے وٹچری فیشن کے خوبصورت نیلے لباس میں سب کو متاثر کیا۔ گرمی 50 ڈگری محسوس ہو رہی تھی، لیکن ان کا جوش اور اسٹائل ٹھنڈی ہوا کی مانند تھا! ❤️🔥
لاہور والوں کے لیے یہ ایک مزیدار خبر ہے! کیا آپ نے انہیں دیکھا؟ 🤩 #PSL #LahoreVibes
=======================
’اسموگ کو کرو آل آؤٹ‘، قلندرز کلائمٹ ایکشن پلان کا حصہ بن گئی
پاکستان سُپر لیگ (پی ایس ایل) کی فرنچائز لاہور قلندرز کی ٹیم کلائمٹ ایکشن پلان کا حصہ بن گئی۔
لاہور قلندرز ’اسموگ کو کرو آل آؤٹ‘ مہم کے تحت ’کلائمٹ ایکشن پلان‘ کا حلف اُٹھانے والی پہلی ٹیم بن گئی۔
پنجاب کی سینئر وزیر مریم اورنگزیب نے لاہور قلندرز کی ٹیم سے حلف لیا، جس کے بعد قلندرز کی ٹیم نے کھیل کی دنیا میں ماحولیاتی ذمہ داری اُٹھا کر ایک نیا معیار قائم کر دیا ہے۔
لاہور قلندرز، اسلام آباد یونائیٹڈ کا میچ ماحولیاتی بہتری کے نام منسوب
لاہور قلندرز نے میدان میں اور اپنی روزمرہ کی زندگی میں ماحولیاتی ذمہ داری کو قبول کرنے کا عہد کرنے کے ساتھ پانی کے تحفظ، وسائل کے موثر استعمال کو فروغ دینے اور آب و ہوا کے مسائل کے بارے میں بیداری پیدا کرنے کا بھی عہد کیا۔
اس موقع پر کرکٹرز نے اس عزم کا اظہار کیا کہ آلودگی اور کوڑا کَرکَٹ کے خاتمے اور سرسبز ماحول کے فروغ کےلیے متحد ہوکر کام کریں گے۔ کرکٹ اب صرف کھیل نہیں بلکہ ماحولیاتی تحفظ سے بھی جڑا گیا ہے۔
==========================
کراچی کنگز نے ملتان سلطانز کو 87 رنز سے ہرادیا
کراچی کنگز نے ملتان سلطانز کو 87 رنز سے ہرادیا
پاکستان سپر لیگ سیزن 10 کے 20ویں میچ میں کراچی کنگز نے ملتان سلطانز کو 87 رنز سے ہرادیا، اس شکست کے ساتھ ہی ملتان سلطانز ایونٹ کے پلے آف سے باہر ہوگئی۔
لاہور کے قذافی اسٹیڈیم میں کھیلے گئے میچ کراچی کنگز نے ٹاس جیت کر پہلے بیٹنگ کا فیصلہ کیا اور شاندار بیٹنگ کا مظاہرہ کرتے ہوئے مقررہ 20 اوورز میں 4 وکٹوں پر 204 رنز اسکور کیے۔
جیمر ونس نے 65، عرفان خان نے 40، خوشدل شاہ نے 33، کپتان ڈیوڈ وارنر نے 30 اور ٹم سائفرٹ نے 22 رنز بنائے۔
ملتان سلطانز کے عبید شاہ نے دو کھلاڑیوں کو آؤٹ کیا جبکہ کیمفر اور ویلے نے ایک، ایک وکٹ حاصل کی۔
ہدف کے تعاقب میں ملتان سلطانز کی پوری ٹیم 117 رنز پر ڈھیر ہوگئی۔ ملتان سلطانز کے یاسر خان اور کامران غلام بالترتیب 26 اور 29 رنز بناکر نمایاں اسکورر رہے۔
کراچی کنگز کی جانب سے محمد نبی نے 3 کھلاڑیوں کو آؤٹ کیا، جبکہ میر حمزہ اور خوشدل شاہ نے دو، دو وکٹیں حاصل کیں۔
65 رنز کی عمدہ اننگز کھیلنے والے جیمز ونس کو پلیئر آف دی میچ قرار دیا گیا۔
