لاہور ٟ ٞدی یونیورسٹی آف لاہور میں یونیورسٹی کالج آف میڈیسن اینڈ ڈینٹسٹری ٟUCMDٞکے زیر اہتما م فلسطینی سٹوڈنٹس کی بی ڈی ایس گریجویشن تقریب کا انعقاد کیا گیا جس میں سپیکر پنجاب اسمبلی ملک احمد خان نے بطور مہمان خصوصی شرکت کی جبکہ صوبائی وزرائ صحت خواجہ سلمان رفیق اور خواجہ عمران نذیر نے بطور گیسٹ آف آنر شرکت کی ۔ گریجویشن تقریب میں چیئر مین دی یونیورسٹی آف لاہور اویس رئوف ، ڈپٹی چیئر مین عزیر رئوف ، پاکستان میں فلسطینی سفیر ظہور زاہد ، پرنسپل یونیورسٹی کالج آف میڈیسن اینڈ ڈینٹسٹری پروفیسر ڈاکٹر مہوش عروج ،سینیٹر بشری بٹ ،ڈائریکٹر سٹوڈنٹس آفیئرز عمارہ اویس ، ریکٹر پروفیسر ڈاکٹر محمد اشرف ، چیئر پرسن چھائوں فائونڈیشن شہناز رئوف ، وجیہہ رئوف ، ایم ایس ڈاکٹر زاہد پرویز ، ڈین مغیث اے بیگ اور رجسٹرار علی اسلم سمیت فیکلٹی ممبران اور سٹوڈنٹس کی بڑی تعداد نے شرکت کی ۔ تقریب میں بی ڈی ایس کے کلینکل آورز پورے ہونے پر یو سی ایم ڈی کی طرف سے فلسطینی سٹوڈنٹس کوڈگریاں دی گئیں ۔ سپیکر پنجاب اسمبلی ملک احمد خان ، وزرا صحت خواجہ سلمان رفیق ، خواجہ عمران نذیر اور چیئر مین اویس رئوف نے بی ڈی ایس کی تعلیم مکمل کرنے پر فلسطینی سٹوڈنٹس کو ڈگریاں تقسیم کیں ۔ تقریب سے خطاب کر تے ہوئے مہمان خصوصی ملک احمد خان نے کہا کہ غزہ میں ہسپتالوں اور میڈیکل کالجز کی تباہی کے بعد فلسطینی گورنمنٹ کی درخواست پر پاکستانی گورنمنٹ نے فلسطینی سٹوڈنٹس کو مختلف پرائیویٹ و سرکاری اداروں میں ایڈجسٹ کروایا ۔ 27بی ڈی ایس کے سٹوڈنٹس کو یونیورسٹی آف لاہور نے اکاوموڈیٹ کیا جس پر انکے شکر گزار ہیں۔انہوں نے کہا دنیا کے دو چہر ے ہیں جو اپنے مفاد کو مد نظر رکھ کر فیصلے کرتے ہیں ۔ دنیا میں کسی کو فلسطین میں ہونے والا ظلم نظر نہیں آتا۔انسانی حقو ق کی جتنی خلاف ورزی فلسطین اور کشمیر میں ہو رہی ہے اسکی مثال نہیں ملتی ۔فلسطین میں سرعام نسل کشی ہو رہی ہے لیکن دنیا خاموش تماشائی بنی ہوئی ۔وہاں ہسپتال تباہ ہو چکے ، بچے اور خواتین مدد کے لیے پکار رہے ہیں ۔انکا کہنا تھا کہ اصل خدمت یونیورسٹی آف لاہور اور الخدمت جیسے ادارے کر رہے ہیں ۔ہم کو شش کریں گے کہ ان 27بی ڈی ایس کی تعلیم مکمل کرنے والے گریجویٹس کو پرائیویٹ و سرکاری اداروں میں ہائوس جاب دلوائیں ۔غزہ میں جو کچھ ہو رہا ہے یہ سب کربلا کی تاریخ دہرائی جا رہی ہے ۔ان سٹوڈنٹس کو پنجاب اسمبلی میں رہائش کی سہولت فراہم کریں گے۔پاکستان میں فلسطینی سفیر ظہور زاہد نے تقریب سے خطاب کرتے ہوئے کہا کہ پاکستانی حکومت ، تعلیمی ادارے 
جو کچھ ہمارے لیے کر رہے ہیں وہ صرف عطیہ نہیں بلکہ عبادت ہے ۔ہم پاکستان کے مشکو ر ہیںجس نے مشکل وقت میں ہمارا ساتھ دیا۔ہمارے ہاں بہت سارے ایسے گریجویٹ ہیں جو پاکستان سے تعلیم یافتہ اور اس وقت وہ سرکاری عہدوں پر فائز ہیں ۔ہم جس مشکل دور سے گزر رہے ہیں ایسے میں الخدمت فائونڈیشن اورپاکستانی حکومت مسلسل سپورٹ کر رہی ۔اللہ سے امید ہے کہ غزہ میں سیز فائر ہوگی تو یہ سٹوڈنٹس اپنے ملک جائیں گے اور دوبارہ سے ہسپتال ، سکول ، کالجز بنیں گے ۔صوبائی وزیر سپشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق نے خطاب کر تے ہوئے کہا کہ فلسطین میں ابتک 51ہزار بچے عورتیں اور جوان زندگی کی بازی ہار چکے ۔فلسطینی جو قربانی دے رہے ہیں وہ ہمیشہ یاد رکھی جائے گی ۔پنجاب میں 35فلسطینی سٹوڈنٹس مختلف یونیورسٹیز میں پڑ ھ رہے ہیں جبکہ یونیورسٹی آف لاہور سے 27بی ڈی ایس گریجویشن مکمل کر چکے ۔ یہ کامیابی پاکستان کی ہے ۔الخدمت فائونڈیشن کا بھی شکریہ ادا کرتاہوں جنہوںنے فلسطین میں ریلیف کا بہت کام کیا ہے ۔پاکستان معاشی طور پر مضبوط ہوگا تو کشمیر اور فلسطین بھی مضبوط ہوں گے ۔ چیئر مین دی یونیورسٹی آف لاہور اویس رئوف نے خطاب کر تے ہوئے کہا کہ ہم فلسطینی سٹوڈنٹس کو گزشتہ 12سال سے تعلیم دے رہے ہیں ۔ ایک شخص 70سال زندگی گزار کر جاتا ہے تو دوسرا بہت کم عرصہ زندہ رہتا لیکن جتنا عرضہ بھی رہتا ہے وہ کسی کاز کے لیے جد و جہد کرتا ۔غزہ میں زندگی بہت مشکل ہو چکی ۔ وہا ں گھروں کے ساتھ ہسپتالوں ، میڈیکل کیمپس کو تباہ کیا جا چکا ۔ بچے اور خواتین تمام مسلم ممالک کی طرف مدد کے لیے دیکھ رہے ہیں ۔وہاں بچے نارتھ غزہ سے سائوتھ اور کبھی سائوتھ سے نارتھ کی طرف ہجر ت کر رہے ۔میری دعا ہے کہ گریجویشن کرنے والے تمام سٹوڈنٹس جب اپنے ملک جائیں تو وہ آزاد ہو چکا ہو۔ ہم نے فلسطینی سٹوڈنٹس کی بہترین مہمان نوازی کے ساتھ ایسا ماحول فراہم کیا کہ انکو اپنے آبائی ملک کی یاد نہ آئے۔ہم ان سٹوڈنٹس کو ہائو س جاب اور پوسٹ گریجویشن کروانے کے لیے بھی تیار ہیں۔پاکستان آپکا دوسرا گھر ہے آپ یہاں مزید تعلیم حاصل کرنا چاہیں یا پھر یوگنڈا میں ہمارا ہسپتال موجود ہے وہاں جا کر ہائوس جاب کر سکتے ۔
پرنسپل یو سی ایم ڈی پروفیسر ڈاکٹر مہوش عروج نے تقریب سے خطاب کر تے ہوئے کہا کہ ہم نے فلسطینی سٹوڈنٹس کو ڈینٹل کالج میں بہترین ایجوکیشن فراہم کی ہے ۔ابھی 27گریجویٹس پیدا ہوئے جبکہ مزید 170سٹوڈنٹس زیر تعلیم ہیں۔ ان سٹوڈنٹس کو پاکستان میں تعلیم دلوانا آسان کام نہیں تھا لیکن وفاق اور پنجاب کی سپورٹ سے یہ بچے اپنی بی ڈی ایس کی تعلیم مکمل کرنے میں کامیاب ہوئے ہیں۔صد را لخدمت فائونڈیشن ڈاکٹر حفیظ الرحمان نے کہا کہ الخدمت فائونڈیشن نے 4000ٹن ریلیف سامان غزہ پہنچایا ہے جبکہ 4چارٹر طیارے کھانے پینے کا سامان لیکر گئے ہیں ۔ ہم پاکستانی گورنمنٹ کے تعاون سے غزہ میں ایک عرصہ دراز سے ریلیف کا کام کر رہے لیکن یونیورسٹی آف لاہور نے جو کام کیا ہے وہ مدتوں یاد رکھنے والا ہے ۔صوبائی وزیر صحت خواجہ عمران نذیر نے خطاب کر تے ہوئے کہا کہ فلسطین میں عشروں سے لڑائی جاری ہے جس طرح مجاہدین اور وہاں کے لوگ اسرائیل کا مقابلہ کر رہے وہ قابل ستائش ہے ۔ ان فریڈم فائٹرز کو سلام پیش کرتا ہوں ۔پاکستان میں تعلیمی اداروںکے ساتھ الخدمت فائونڈیشن فلسطینی مسلمانوںکی مدد کے لیے بڑھ چڑھ کر حصہ لے رہی ۔پاکستان فلسطین اور کشمیر کی حمایت ہر فورم پر جاری رکھے گا۔ تقریب کے اختتام پر چیئر مین اویس رئوف نے مہمان خصوصی ملک احمد خان ، خواجہ سلمان رفیق ، خواجہ عمران نذیر ، فلسطینی سفیر سمیت دیگر شرکائ میں شیلڈز تقسیم کیں ۔
