علیگڑھ انسٹیٹیوٹ آف ٹیکنالوجی (AIT) میں بھارتی جارحیت کے خلاف اور وطن سے محبت کے اظہار کے لیے ایک عظیم الشان ریلی کا انعقاد کیا گیا۔ اس ریلی میں طلبہ، اساتذہ اور ادارے کے منتظمین کی کثیر تعداد نے شرکت کی۔ ہاتھوں میں لہراتے قومی پرچم، حب الوطنی سے بھرپور نعرے اور وطن سے عشق کے جذبات نے فضا کو گونج دار بنا دیا۔
ریلی کے شرکاء نے پلے کارڈز اور بینرز اٹھا رکھے تھے جن پر پاک فوج سے اظہارِ یکجہتی اور بھارتی جارحیت کے خلاف نعرے درج تھے۔ ریلی کا آغاز قومی ترانے سے ہوا، جس کے بعد طلبہ نے جوش و جذبے سے لبریز مارچ کیا۔
چیئرمین گورننگ باڈی AIT ، محمد اکبر خان نے خطاب کرتے ہوئے کہا کہ پاکستانی قوم اپنی فوج کے ساتھ کندھے سے کندھا ملا کر کھڑی ہے اور دشمن کے ہر وار کا جواب بہادری اور اتحاد سے دے گی۔ انہوں نے نوجوان نسل کو قومی غیرت کا علمبردار قرار دیا۔
کنوینر AIT سید محمد محسن کاظم نے طلبہ کے جذبے کو خراجِ تحسین پیش کرتے ہوئے کہا کہ علیگڑھ انسٹیٹیوٹ کے طلبہ نے آج حب الوطنی کی شاندار مثال قائم کی ہے۔ ان کا کہنا تھا کہ پاکستان کا مستقبل روشن ہے کیونکہ نوجوان اپنے وطن کے دفاع کے لیے ہر قربانی دینے کو تیار ہیں۔
ریلی کے دوران طلبہ نے ملک کی سلامتی، قومی یکجہتی اور پاک فوج کی حمایت میں فلک شگاف نعرے بلند کیے اور بھارتی جارحیت کی بھرپور مذمت کی۔
پرنسپل علیگڑھ شاہد جمیل نے طلبہ کی قیادت کرتے ہوئے کہا کہ یہ ریلی ایک زندہ قوم کی للکار اور ناقابل تسخیر حوصلے کی تصویر پیش کرتی رہی۔
میڈیا کوآرڈینیٹر AIT
