ارشاد علی سوڈھر کی قیادت میں پولیو مہم کی شاندار کامیابی
کراچی (رپورٹر) پولیو کے خلاف جاری قومی مہم کی کارکردگی کا جائزہ لینے کے لیے ایک اہم اجلاس منعقد ہوا، جس میں پولیو مہم کے قابلِ ستائش کوآرڈینیٹر ارشاد علی سوڈھر نے ویڈیو لنک کے ذریعے شرکت کی۔ اجلاس میں موجود تمام شرکاء نے پولیو ویکسینیشن مہم کی اب تک کی شاندار پیش رفت پر اطمینان کا اظہار کیا۔
ارشاد علی سوڈھر نے اپنے خطاب میں کہا کہ “کراچی کی انتظامیہ اور ہمارے بے مثال پولیو ورکرز نے انتہائی سخت گرمی کے باوجود گلی گلی جا کر بچوں کو پولیو سے محفوظ بنانے کے لیے قابلِ تعریف کوششیں کی ہیں۔ یہ ہم سب کے لیے فخر کی بات ہے کہ ہم ایک صحت مند اور پولیو سے پاک پاکستان کی تعمیر میں اہم کردار ادا کر رہے ہیں۔”
انہوں نے مزید کہا کہ “یونیسف اور مقامی انتظامیہ کے اشتراک سے ہم نے ان مشکل علاقوں میں بھی کامیابی حاصل کی ہے جہاں پہلے پولیو ویکسین کے حوالے سے غلط فہمیاں پائی جاتی تھیں۔ اب والدین بڑی تعداد میں اپنے بچوں کو ویکسین کروانے پر راضی ہو رہے ہیں، جو ایک بہت بڑی کامیابی ہے۔”
اجلاس کے اختتام پر ارشاد علی سوڈھر نے تمام ٹیم ممبران کی محنت کو سراہتے ہوئے اگلے دو دنوں میں مزید مستعدی سے کام جاری رکھنے کی ہدایت کی۔ ان کی قیادت اور لگن سے پولیو مہم کو نئی رفتار مل رہی ہے، اور امید ہے کہ جلد ہی پاکستان سے پولیو کا خاتمہ ہوگا۔
