یونیورسٹی کے ہوسٹل میں مقیم طالبہ کو گولی مار کر قتل کردیا گیا
یونیورسٹی کے ہوسٹل میں مقیم طالبہ کو گولی مار کر قتل کردیا گیا- ایمان فیروز کو گولی مارنے والے قاتل کی عمر 25 سال سفید رنگ کے کپڑے پہن رکھے تھے
یونیورسٹی کے ہوسٹل میں مقیم طالبہ کو گولی مار کر قتل کردیا گیا- ایمان فیروز کو گولی مارنے والے قاتل کی عمر 25 سال سفید رنگ کے کپڑے پہن رکھے تھے
اسلام آباد (خصوصی نامہ نگار) وفاقی دارالحکومت کے پوش ایریا کے نجی ہاسٹل میں رہائش پذیر اسلامی یونیورسٹی کی 22 سالہ طالبہ کو ہاسٹل میں اس کی تین رومیٹس کی موجودگی میں گولی مار قتل کر دیا گیا، رمنا پولیس نے ضلع مانسہرہ کے گاؤں شلیہ کے رہائشی زید خان کی رپورٹ پر قتل کا مقدمہ درج کر کے تفتیش شروع کردی ہے، مقتولہ کی نعش پوسٹ مارٹم کے بعد ورثا کے سپرد کر دی گئی ہے ،جی ٹین عون محمد رضوی روڈ پر واقع 339 کوٹھی میں قائم ہاسٹل مہں رات گئے گھس کر ایمان فیروز کو گولی مارنے والے قاتل کی عمر 25
/26 سال بتائی جاتی ہے جس نے سفید رنگ کے کپڑے پہن رکھے تھے جو دوشیزہ کو قتل کر کے اسی راستے سے واپس نکل گیا جس راستے سے ہاسٹل میں داخل ہوا تھا۔
====================
جامعہ کراچی سے ملحق تمام کالجز میں بائی اینول سسٹم ایک سال کے لئے موخر
21 اپریل ، 2025FacebookTwitterWhatsapp
کراچی(اسٹاف رپورٹر) جامعہ کراچی کی اکیڈمک کونسل سال 2025ء کا دوسرااجلاس جمعہ کے روز وائس چانسلر پروفیسرڈاکٹر خالد محمودعراقی کی زیر صدارت چائنیز ٹیچرز میموریل آڈیٹوریم جامعہ کراچی میں منعقد ہوا۔اجلاس میںریجنل ڈائریکٹر کالجز کے خط جس میں درخواست کی گئی ہے کہ جامعہ کراچی سے ملحق تمام کالجزمیں ایسوسی ایٹ ڈگری ان آرٹس ،ایسوسی ایٹ ڈگری ان کامرس اور ایسوسی ایٹ ڈگری ان سائنس(اے ڈی اے، اے ڈی سی اور اے ڈی ایس)پروگرام میںبائی اینول سسٹم( Bi-Annual System)کو ایک سال کے لئے موخر کردیاجائے ،اجلاس نے مذکورہ درخواست کی روشنی میں ایسوسی ایٹ ڈگری(اے ڈی اے، اے ڈی سی اور اے ڈی ایس) پروگرام میں Bi-Annual System کو ایک سال کے لئے موخر کرنے کی منظوری دی۔ اجلاس میں کلیہ نظمیات وانتظامی علوم کے بورڈ پر تین اراکین کی بحیثیت رکن اکیڈمک کونسل پروفیسرڈاکٹر روحی ،پروفیسرڈاکٹرثمینہ سعید اور ڈاکٹر ندیم محمود کی نامزدگی کی منظوری دی گئی۔اجلاس نے بورڈ برائے اعلیٰ تعلیم وتحقیق کے اجلاس 14 اکتوبر2024 ء اور 02 جنوری 2025 ء کی روداد کی توثیق کی۔اکیڈمک کونسل کے اجلاس 30 جنوری 2025 ء اور بورڈ برائے کلیہ علوم کے اجلاس 31 جنوری 2024 ء کی روداد کی بھی اجلاس نے توثیق کی۔
==================
جامعہ کراچی، 16 طلبا و طالبات کو پی ایچ ڈی، 49 طلبا و طالبات کو ایم فل کی اسناد تفویض
21 اپریل ، 2025FacebookTwitterWhatsapp
کراچی(اسٹاف رپورٹر) جامعہ کراچی کے وائس چانسلر پروفیسر ڈاکٹر خالد محمودعراقی کی زیر صدارت منعقدہ ایڈوانسڈ اسٹڈیز اینڈریسرچ بورڈ (اے ایس آربی )کے حالیہ اجلاس میں16طلباو طالبات کو پی ایچ ڈی جبکہ49طلباوطالبات کو ایم فل اوردوطلبہ کو کورس ورک(30کریڈٹ آرز) مکمل کرنے پر ایم ایس کی اسناد تفویض کی گئی۔
================
اسکول این جی او کے سپرد کرنے کا نوٹفیکیشن واپس لینے پر وزیر اعلیٰ اور دیگر سے اظہار تشکر
21 اپریل ، 2025FacebookTwitterWhatsapp
کراچی ( اسٹاف رپورٹر) پاکستان پیپلز پارٹی کے سابق صدر خلیل ہوت، یوسی 9 کے صدر عبد الرئوف بلوچ، اور مختلف یوسیزکے چیئرمینز،پیپلز یوتھ کے شازل شبیر اور دیگر نے اپنے ایک مشترکہ بیان میں کہا ہے کہ رکن قومی اسمبلی نبیل گبول، وزیر اعلی سندھ سید مراد علی شاہ، رکن سندھ اسمبلی یوسف بلوچ، معاون خصوصی نادر گبول کے شکر گزار ہیں جنہوں نے ولی محمد حاجی یعقوب و دیگر اسکول این جی او کے سپرد کرنے کا نوٹفیکیشن واپس لے لیا ہے جبکہ وزیر اعلی سندھ نے یوسف بلوچ اسکول ایڈاپ کرنے کا حکم دے دیا ہے۔
