کراچی(شوبز رپورٹر) وطن عزیز کی با صلاحیت اداکارہ ناصرہ نور کا شمار کراچی اسٹیج کی معروف ترین اداکارہ کے طور پر کیا جاتا جن کے کریڈٹ پر بے شمار کامیاب ترین ڈرامے موجود ہیں ناصرہ نور ان فنکاروں کی فہرست میں شامل ہیں جہنوں نے ہمیشہ اپنی صلاحیتوں کے بل پر کام کیا کبھی بھی کسی قسم کی سفارش کا سہارا نہیں لیا اور نہ ہی وہ کبھی کسی لابی کا حصہ رہیں اور نہ کبھی شارٹ کٹ کا استعمال کیا ناصرہ نور کے سامنے بے شمار ایکٹرس آئیں اور گئیں مگر ناصرہ نور کو اپنی جگہ مضبوط نظر آئیں حالانکہ ایک مخصوص لابی ناصرہ نور کو اپنے ڈراموں میں کاسٹ نہیں کرتی مگر کبھی اس کا بات کا شکوہ بھی ناصرہ نور نے نہیں کیا ناصرہ نور کی فنی صلاحتیوں کو مدنظر رکھتے ہوئے حیدر آباد آرٹ پروموٹرز نے ایک شاندار ٹربیوٹ پیش کرنے کی تیاریاں شروع کردی ہیں یہ تقریب جمعہ 9 مئی کو حیدر آباد پریس کلب کلب کے آڈٹیوریم میں منعقد کی جاۓ گی اس حوالے سے ناصرہ نور کا کہنا ہے کہ وہ حیدر آباد آرٹ پروموٹرز کی بے حد شکر گزار ہیں انہوں نے کہا کہ فنکار کی زندگی میں ہی اسے ٹریبوٹ پیش کرنا چاہئےبعد ازا مرگ تقربیات منعقد کرنے کا کیا فائدہ ہے
