لاڑکانہ : 14 اپریل 2025.
قیام امن کے لیے اپنی قیمتی جانوں کا نذرانہ پیش کرنے والے سندھ پولیس کے دو بہادر سپوتوں کی نماز جنازہ پورے سرکاری اعزاز کیساتھ ادا کردی گئی.
کراچی کے تھانہ چاکیواڑہ میں فرائض سرانجام دیتے ہوئے شہادت کا رتبہ حاصل کرنے والے پولیس جوان محمد ایوب گھانگھرو کی نماز جنازہ پورے سرکاری اعزاز سے ان کے آبائی گاؤں بھائی خان گھانگھرو میں ادا کردی گئی.
نماز جنازہ میں SP انویسٹیگیشن و ASP رتوڈیرو فلائيٽ لیفٹیننٹ ( ر) محمد علی صاحب سمیت علاقہ معززینِ، پولیس افسران و جوانان سمیت مختلف مکتبہ فکر کے افراد نے شرکت کی.
جبکہ لاڑکانہ شہر کے تھانہ شہید DSP عبدالمالک بھٹو کی حدود رسول آباد والے علاقے میں فرائض نبھاتے ہوئے موٹرسائیکل لگنے سے زخمی ہونے والے ہیڈ کانسٹیبل میر محمد کلہوڑو کی شہادت پر پولیس ہید کوارٹر لاڑکانہ میں ان کی نماز جنازہ ادا کردی گئی.
جس میں پولیس افسران اور شہریوں کی بڑی تعداد نے شرکت کی.
اس موقع پر
ایس ایس پی لاڑکانہ
جناب احمد چودھری صاحب QPM, PSP نے اپنے پیغام میں کہا ہے کہ شہداء اور غازی محکمہ پولیس کے ماتھے کا جھومر ہیں، انہیں کی قربانیوں کے بدولت جرائم پیشہ افراد کے لیے زمین تنگ کر دی گئی ہے.
شعبہ اطلاعات لاڑکانہ پولیس.
