این ای ڈی کے طلبا رضا کارانہ طور پر کمیونٹی سروسز کا حصہ ہوں گے، ڈاکٹر نعمان احمد
جامعہ این ای ڈی اور اختر حمید خان فاؤنڈیشن کے مابین مفاہمتی یاداشت پر دستخط
کراچی() جامعہ این ای ڈی اور اختر حمید خان فاؤنڈیشن(اسلام آباد) کے مابین مفاہمتی یاداشت پر دستخط کیے گئے۔ اس موقعے پر قایم مقام وائس چانسلر ڈاکٹر نعمان احمد کا کہنا تھاکہ اختر حمید خان جوکہ سوشل سائنٹسٹ تھے ان کی فاؤنڈیشن ترقی پذیر علاقوں کی بہتری کے لیے کوشاں ہے۔ جامعہ این ای ڈی اور اختر حمید فاؤنڈیشن دونوں ادارے مل کر کام کریں گے تو ان علاقوں کی بہتری ممکن ہے۔ شیخ الجامعہ ڈاکٹر نعمان احمد کا کہنا تھا کہ این ای ڈی کے طالب علم رضا کارانہ طور پر کمیونٹی سروسز کا حصہ ہوں گے اورانہیں تربیت بھی فراہم کی جاۓ گی۔ اس موقعے پر سی ای او اخترحمید فاؤنڈیشن ڈاکٹر عائشہ خان کا کہنا تھا کہ ہمارے کاموں کی بنیادی وجہ ایسے اربن ترقیاتی منصوبوں کو فروغ دینا ہے جو موسمیاتی تبدیلیوں کے حوالے سے موزوں ہوں۔ ان کا مزید کہنا تھا کہ ہماری آرگنائزیشن کا اربن امپیکٹ یونٹ اور این ای ڈی مل کر ترقی پذیر علاقوں کی بہتری پر کام کریں گے۔
