سازش کے تحت پاکستان کو ناکام بنانے کے لیے گہرا گڑھا کھودا گیا تھا پاکستان کو بچانے کے لیے شہباز شریف نے اس میں چھلانگ لگائی اور بہتر معاشی حکمت عملی سے اس گڑھے کو بھر کر ملک کو اوپر لے جا رہے ہیں
پاکستان میں منی چینجرز کی پہچان اور کاروباری حلقوں کی ہر دل عزیز شخصیت ملک بوستان علی کا کہنا ہے کہ ایک گھناونی سازش کے تحت پاکستان کو ناکام بنانے کے لیے گہرا گڑھا کھودا گیا تھا شہباز شریف نے پاکستان کو بچانے کی خاطر اس گڑھے میں چھلانگ لگائی اور بہتر معاشی حکمت عملی اپنا کر اس گڑھے کو بھرتے جا رہے ہیں اور پاکستان کو معاشی مضبوطی کی طرف اوپر لے جا رہے ہیں یہ ایک بہت ہی کٹھن اور مشکل کام تھا کسی نے تو یہ کام کرنا تھا ملک کی خاطر شہباز شریف آگے آئے انہوں نے ملک کو ڈیفالٹ سے بچایا آئی ایم ایف کے ساتھ معاہدہ کر کے مشکل شرائط کو پورا کرنے کے لیے کمر کس لی ان کے اتحادیوں نے ان کا ساتھ دیا سب نے مل کر ملک کو بچانے کے لیے نیک نیتی سے کام کیا تو آج نتائج سب کے سامنے ہیں روپیہ بھی مضبوط ہو رہا ہے ڈالر کو بھی لگام دی ہے باہر سے ڈالر بھی آرہے ہیں بجلی بھی سستی ہو رہی ہے پیٹرول کی قیمت بھی نیچے ا رہی ہے ملک کو خوشخبریاں مل رہی ہیں معاشی طور پر استحکام آ رہا ہے
مہنگائی میں کمی ہو رہی ہے ملک معاشی طور پر درست سمت میں آگے بڑھ رہا ہے ۔
ایک سوال پر انہوں نے کہا کہ 1998 میں جب ایٹمی دھماکے کیے تھے اور پابندیاں لگی تھیں تو صرف 400 ملین ڈالر کے ذخائر رہ گئے تھے تب ملک نے ڈیفالٹ نہیں کیا تو سال 2023 میں تو 15 ہزار ملین ڈالر کے ذخائر تھے تو کیسے ڈیفالٹ ہو سکتا تھا تب وزیر خزانہ نے کہا تھا کہ 33 ہزار کے قرضے ہیں اور 35 ہزار ملین ڈالر کے اثاثے موجود ہیں لہذا پاکستان پر بحران ضرور ایا لیکن پاکستان کو سری لنکا سے مقابلہ کرنے والے غلطی پر تھے پاکستان کے ڈیفالٹ کر جانے کے بارے میں جن لوگوں نے بھی باتیں کی وہ لوگوں کو مایوس کر رہے تھے اور وہ غلطی پر تھے حکومت نے مشکل چیلنج قبول کیے ریاست کی خاطر سیاست کی قربانی دینے والوں نے ملکی معیشت کو بہتر سمت میں گامزن رکھا دنیا بھر میں مختلف ملکوں نے ڈیفالٹ کیا قرضے لے کر دوبارہ پیروں پر کھڑے ہوئے ہم قرضے واپس کرنے کے لیے قرضے لے رہے ہیں ہماری اصل طاقت ہمارے نوجوان ہیں 70 فیصد نوجوانوں کو پیروں پر کھڑا کرنا چاہیے تو دو ارب ڈالر تو صرف ائی ٹی سے کما لیں گے اسی طرح ہمیں اپنی زراعت 
پر توجہ دینی چاہیے جس کو ہم بھول گئے تھے کہیں ملین ڈالر کی امپورٹ کر رہے ہیں اس سے بچت ہو جائے گی چھ مہینے میں فصل تیار ہو جاتی ہے اس پر توجہ دیں یاد رکھیں پورا افغانستان اور سینٹرل ایشیا کے بہت سے ملک ہمارے محتاج ہیں ہماری طرف سے اناج جاتا ہے افغانستان میں اٹا بہت مہنگا ہے پاکستان سے سمگلنگ ہوتی رہی ہے افغانستان ہماری چیزیں استعمال کرتا ہے میں نے تجویز دی تھی کہ ڈالر کی بجائے باٹر ٹریڈ کر لیں تو کہیں ارب ڈالر کی بچت ہو جائے گی اگر حکمرانوں کی نیت ٹھیک رہی تو پاکستان کو بچانے کے لیے سب اکٹھے رہے تو سب کچھ ٹھیک ہو جائے گا سارا معاملہ نیت کا ہے اگر نیک نیتی کے ساتھ فیصلے کیے جائیں تو پاکستان بہت ترقی کرتا چلا جائے گا اور لوگ حیران رہ جائیں گے ۔پاکستان کے پاس اللہ کے دیے ہوئے قدرتی خزانوں کی کوئی کمی نہیں مالا مال ہے پاکستان معدنیات میں بھی اور پاکستان کے پاس ایک سے بڑھ کر ایک ذہین اور قابل دماغ موجود ہے پاکستان میں نوجوانوں کو وسائل فراہم کرنے کی دیر ہے پاکستان راکٹ کی سپیڈ سے ترقی کرے گا ۔
سالک مجید ایڈیٹر جیوے پاکستان ڈاٹ کام
