کراچی میں آج سے گرمی کی شدت میں کمی کا امکان ہے۔
موسمیاتی ماہر کا کہنا ہے کہ شہر میں آج سے گرمی کی شدت کم ہو سکتی ہے اور شہر میں وقفے وقفے سے تیز ہوائیں چلنے کا امکان ہے۔
25 تا 27 مارچ پنجاب کے بیشتر اضلاع میں بارشوں کا امکان
انہوں نے ہفتے اور اتوار کو رات کے درجۂ حرارت میں بھی کمی کا امکان ظاہر کرتے ہوئے کہا ہے کہ ہفتے اور اتوار کو راتیں خنک ہو سکتی ہیں جبکہ درجۂ حرارت 17 سے 18 ڈگری سینٹی گریڈ تک ہو سکتا ہے۔
موسمیاتی ماہر کے مطابق ہفتے اور اتوارکو کراچی کے مضافات میں درجۂ حرارت 14 سے 16 ڈگری تک جاسکتا ہے۔
==========================
خیبرپختونخوا، گلگت بلتستان ،شمال مشر قی بلو چستان اور کشمیر میں چند مقامات بارش کی توقع
محکمہ موسمیات کےمطابق آئندہ بارہ گھنٹے کے دوران خیبرپختونخوا، گلگت بلتستان ،شمال مشر قی بلو چستان، خطہ پوٹھوہاراور کشمیر میں چند مقامات پر تیز ہواؤں /آندھی اور گرج چمک کے ساتھ بارش کی توقع ہے ۔جبکہ ملک کے دیگر علاقوں میں موسم خشک جبکہ میدانی علاقوں میں دن کے اوقات میں گرم رہنے کا امکان ہے ۔گزشتہ چوبیس گھنٹے کے دوران ملک کے بیشتر علاقوں میں مو سم خشک جبکہ میدانی علاقوں میں گرم رہا۔
آج ریکارڈکئے گئے زیادہ سےزیادہ درجہ حرارت مٹھی 42، شہید بینظیر آباد 41، چھور اور دادومیں 40 ڈگری سینٹی گریڈ ریکارڈ کیا گیا ۔
اس پوسٹ کو شیئر کریں
