کراچی کا موسم گرم رہنے کی پیشگوئی
محکمۂ موسمیات نے کراچی کا موسم گرم اور خشک رہنےکی پیش گوئی کر دی۔
محکمۂ موسمیات کے مطابق آئندہ 24 گھنٹوں کے دوران کراچی کا موسم گرم اور خشک رہے گا، اس دوران زیادہ سے زیادہ درجۂ حرارت 35 سے 37 ڈگری سینٹی گریڈ تک رہنے کا امکان ہے۔
کراچی میں موسم گرم رہنے کا امکان
آج شہر کا کم سے کم درجۂ حرارت 21.1 ڈگری سینٹی گریڈ ریکارڈ ہوا۔
کراچی میں ہوا میں نمی کا تناسب 79 فیصد ہے اور شمال مشرق سے گرم اور خشک ہوائیں ہلکی رفتار سے چل رہی ہیں۔
بلوچستان کے جنوبی اضلاع کا موسم گرم رہنے کا امکان
دوسری جانب بلوچستان کے جنوبی اضلاع میں موسم بتدریج گرم ہو رہا ہے اور دن کے اوقات میں موسم گرم رہنےکا امکان ہے۔
کوئٹہ اور گردونواح میں مطلع صاف اور موسم خشک ہے، کوئٹہ میں صبح کم سے کم درجۂ حرارت 8 ڈگری سینٹی گریڈ ریکارڈ کیا گیا جبکہ شمالی اضلاع میں موسم خشک، صبح کے وقت موسم میں خنکی ہے۔
===========================
منڈی بہاؤ الدین کا پورا خاندان انسانی اسمگلنگ میں ملوث
21 مارچ ، 2025FacebookTwitterWhatsapp
کراچی( افضل ندیم ڈوگر) منڈی بہاؤالدین کی تحصیل ملک وال کے علاقے مونا ڈپو ہیڈ فقیریاں سے تعلق رکھنے والا ایک پورا خاندان ہی انسانی اسمگلنگ میں ملوث ہے، اس گروہ کے مرکزی ملزم ملزم مشتاق احمد کو اینٹی منی لانڈرنگ سرکل فیصل آباد کی ٹیم نے گرفتار کرلیا ہے۔ ایف آئی اے ذرائع کے مطابق ملزم مشتاق احمد لیبیا کشتی حادثے میں مبینہ طور پر ملوث ہے۔ ملزم مشتاق کے خلاف اینٹی منی لانڈرنگ سرکل فیصل آباد میں ایف ائی ار نمبر 3/25 درج ہے۔ حکام کے مطابق انسانی اسمگلنگ کیلئے بھاری رقوم مشتاق احمد کے کئی بینک اکاؤنٹس میں وصول ہوئیں۔
