لاہور کی جوڈیشل مجسٹریٹ نے امانت میں خیانت کرنے پر اداکارہ نازش جہانگیر کے وارنٹ گرفتاری جاری کردیے۔
لاہور کی جوڈیشل مجسٹریٹ نے ڈیفنس سی پولیس کو اداکارہ نازش جہانگیر کو گرفتار کرکے پیش کرنے کا حکم دے دیا،عدالت نےاداکارہ اور ملزمان کو بائیس مارچ کو پیش کرنے کا حکم دیا ہے۔
اداکارہ کےخلاف ڈیفنس کے اسود ہارون نامی شخص نے مقدمہ درج کروا رکھا ہے۔
مقدمہ فراڈ کی دفعات کے تحت درج ہوا تھا۔ امانت میں خیانت، فراڈ اوردھمکیاں دینے کی دفعات کےتحت استغاثہ دائر کیا گیا تھا۔
عدالت نے استغاثہ میں نامزد نازش جہانگیر، سکندرخان اور دیگرملزمان کے وارنٹ گرفتاری جاری کیے ہیں، مدعی مقدمہ نے وارنٹ گرفتاری ڈیفنس سی پولیس میں جمع کرادیئے ہیں۔
واضح رہے کہ نازش جہانگیر کا اس حوالے سے کوئی بیان سامنے نہیں آیا ہے۔
=========================
دنانیر مبین کا انڈسٹری کی دوستیوں پر عدم اعتماد
پاکستانی اداکارہ اور سوشل میڈیا اسٹار دنانیر مبین نے انڈسٹری کی دوستیوں پر عدم اعتماد کا اظہار کیا ہے۔
دنانیر مبین ایک وائرل ویڈیو سے شہرت حاصل کر چکی ہیں، انہوں نے انڈسٹری کی دوستیوں کے بارے میں اپنی واضح رائے کا اظہار کیا ہے۔
دنانیر مبین ایک باصلاحیت اداکارہ کے طور پر ابھر کر سامنے آئی ہیں، وہ ان دنوں ڈرامہ سیریل میم سے محبت میں مرکزی کردار ادا کر رہی ہیں جسے مداح بے حد پسند کر رہے ہیں۔
خوشحال خان نے دنانیر مبین کو حادثے سے بچا لیا
دنانیر مبین انڈسٹری کے مختلف ایونٹس میں شرکت کرتی ہیں اور اپنے ساتھی فنکاروں کی کامیابیوں کو سپورٹ کرتی ہیں۔
وہ ہانیہ عامر، یشمہ گل اور دیگر اداکاراؤں کے ساتھ دوستانہ تعلقات رکھتی ہیں لیکن انڈسٹری کی دوستیوں پر یقین نہیں رکھتیں۔
ایک حالیہ انٹرویو میں انہوں نے کہا کہ میں زیادہ انڈسٹری میں ملوث ہونے پر یقین نہیں رکھتی، جب میں نے شروعات کیں تو بہت بے تکلف تھی لیکن اب میں زیادہ محتاط ہو چکی ہوں۔
انہوں نے یہ بھی کہا کہ میں صرف مثبت توانائی کے ساتھ رہنا چاہتی ہوں اور اپنے قریبی لوگوں، اپنی فیملی اور بچپن کے دوستوں کے ساتھ وقت گزارنا پسند کرتی ہوں، مجھے ہر جگہ جانے کے بجائے اپنے اصل لوگوں کے ساتھ رہنا پسند ہے۔
===========================
کیفے میں لڑکی کو ہراساں کرنے سے روکنے پر امیر زادے نے فائرنگ کردی
لاہور میں کیفے پر لڑکی کو ہراساں کرنے سے روکنے پر امیر زادے نے عملے پر فائرنگ کردی۔
اے آر وائی نیوز کے مطابق لاہور کے علاقے جوہر ٹاؤن میں امیر زادے نے کیفے کے عملے پر فائرنگ کی جس کی ویڈیو منظرعام پر آگئی۔
پولیس کے مطابق دو ملزمان کالے رنگ کے ویگو ڈالے میں آئے تھے، واقعے کا مقدمہ درج کرلیا گیا ہے۔
کالے شیشوں والے ویگو ڈالے پر جعلی نمبر پرلیٹ لگی ہوئی ہے۔
پولیس حکام کا کہنا ہے کہ کیفے کے عملے پر فائرنگ سے سیکیورٹی گارڈ زخمی ہوا ہے۔
