کراچی (اسٹاف رپورٹر)سندھ ہائی کورٹ نے سندھ مدرستہ الاسلام کے وائس چانسلر ڈاکٹر مجیب الدین صحرائی کے خلاف توہین عدالت کی درخواست پر کارروائی شروع کرتے ہوئے نوٹس جاری کر دیئے ہیں۔جسٹس فیصل کمال عالم اور جسٹس نثار احمد بھنبھرو پر مشتمل دو رکنی بینچ نے 28 فروری 2025 کو ڈاکٹر عجب علی لاشاری کی جانب سے دائر کردہ توہین عدالت کی درخواست کی سماعت کی۔ ڈاکٹر لاشاری کی درخواست میں سندھ مدرستہ الاسلام کے وائس چانسلر کے
خلاف توہین عدالت کی کارروائی کی استدعا کی ہے کیونکہ درخواست گزار کو غیر قانونی طور پر معطل کیا گیا تھا اور درخواست گزار کا قصور یہ تھا کہ اس نے یونیورسٹی سے ہائر ایجوکیشن کمیشن کی پالیسیوں پر عملدرآمد کرنے کا مطالبہ کیا تھا۔ڈاکٹر لاشاری کی درخواست کے مطابق ہائر ایجوکیشن کی پالیسیوں کی خلاف ورزی کرتے ہوئے پی ایچ ڈی ایجوکیشن کے طلبہ کو آصف حسین سمو (ٹیچرز ایسوسی ایشن کے موجودہ صدر) پڑھا رہے تھے جو خود پی ایچ ڈی نہیں تھے۔ اس معاملے پر فیصلہ دیا گیا تھا کہ ہائر ایجوکیشن کمیشن کی پالیسیوں پر سختی سے عمل کیا جائے لیکن وائس چانسلر نے اس پر توجہ نہیں دی ۔
=======================
وفاقی جامعہ اردو میں آگاہی ورکشاپ
06 مارچ ، 2025FacebookTwitterWhatsapp
کراچی(نیوز ڈیسک)وفاقی جامعہ اردو اور گرو سیف کے تعاون سےطلبہ و طالبات کو حفاظت کے بین الاقوامی قواعد و ضوابط اور اعدادوشمار سے متعلق آگاہی ورکشاپ کا انعقاد ہوا جس میں طلبہ و طالبات نے بڑی تعداد میں حصہ لیا۔ ورکشاپ میں گرو سیف کے سی ای او سعد عبدالوہاب نے طلبہ و طالبات کو بریفنگ دی اور طلبہ و طالبات کو حفاظت کے بین الاقوامی قواعد و ضوابط اور اعدادوشمار سے آگاہ کیا ۔ورکشاپ کے اختتام پر رجسٹرار وفاقی جامعہ اردو سعدیہ خلیل اور ڈین فیکلٹی آف سائنس پروفیسر ڈاکٹر محمد زاہد کو یادگاری شیلڈ بھی پیش کی گئی۔
===================
ملتان کی تاریخ کے سب سے بڑے فراڈ کی تحقیقات میں پیشرفت
06 مارچ ، 2025FacebookTwitterWhatsapp
کراچی (اسد ابن حسن) أن لائن فاریکس کے ذریعے عوام سے پیسہ بٹورنے والے اور ملتان کی تاریخ کے سب سے بڑے چار ارب کے فراڈ کی تحقیقات میں بڑی پیشرفت جاری ہے۔ سائبر کرائم ملتان زون کے ایڈیشنل ڈائریکٹر نے فراڈ کا حجم بڑھنے اور مسلسل مزید شکایتیں موصول ہونے اور تحقیقات کی حساسیت کو مد نظر رکھتے ہوئے 8 رکنی کمیٹی تشکیل دے دی ہے۔ تحقیقاتی کمیٹی کے سربراہ سرکل انچارج ڈپٹی ڈائریکٹر سجاد اقبال ہوں گے جبکہ ممبران میں اسسٹنٹ ڈائریکٹرز طارق محمود، عدنان خان، عمران درانی، سب انسپیکٹرز نبیل حسین، عاطف جان، عائشہ فاطمہ اور سائبر کرائم اینالسٹ محمد عمران شامل ہیں۔
======================
لیاری ڈیولپمنٹ اتھارٹی نے اربوں روپے کے ٹینڈرز طلب کر لئے
06 مارچ ، 2025FacebookTwitterWhatsapp
کراچی(اسٹاف رپورٹر)لیاری ڈیولپمنٹ اتھارٹی نے مختلف ترقیاتی اسکیموں کے ڈھائی ارب روپے سے زائد لاگت کے ٹینڈرز طلب کرلئے ذرائع کا کہنا ہے کہ ایل ڈی اے میں چیف انجینئر اور سپریٹنڈنٹ انجینئرز اس وقت موجودنہیں ہیں جو نیئر انجینئرز یہ کام انجام دیں گے ذرائع نے بتایا لیاری ڈیولپمنٹ اتھارٹی میں سینئر انجینئرز کی عدم موجودگی کے باوجود ڈھائی ارب روپے سے زائد لاگت کی 18ترقیاتی اسکیموں کیلئے ٹینڈرز طلب کئے گئے ہیں ایل ڈی اے کے انجینئرنگ ڈیپارٹمنٹ میں سپریٹنڈنٹ انجینئر اور چیف انجینئر کی اسامیاں خالی پڑی ہیں اور حکام نے پورا محکمہ اور ترقیاتی منصوبے دو جونیئر ایکسئن کے حوالے کررکھے ہیں ،ذرائع کا کہنا ہے کہ سپریٹنڈنٹ انجینئر کی اسامی 19 گریڈ جبکہ چیف انجینئر کی اسامی 20 گریڈ کی ہے، کراچی کے سینئر کنٹریکٹر نے اربوں روپے لاگت کے ٹھیکوں کے پیش نظر مذکورہ ٹینڈرزکی اوپننگ کا مقام تبدیل اور ٹینڈرنگ کا عمل شفاف کرانے کا مطالبہ کیا ہے۔
=======================
لڑکی اور ایک شخص نے مبینہ خودکشی کرلی، نشے کے عادی شخص کی لاش ملی
06 مارچ ، 2025FacebookTwitterWhatsapp
کراچی (اسٹاف رپورٹر )مختلف علاقوں میں لڑکی اور ایک شخص نے مبینہ طور پر خودکشی کر لی، نشے کے عادی شخص کی لاش ملی ،تفصیلات کے مطابق نیو کراچی سیکٹر فائیو جی میں واقع گھر سے 22 سالہ صبا دختر محمد عامر کی پھندا لگی لاش ملی ،پولیس نے بتایا کہ متوفیہ نے گھریلو ناچاقی کی بنا پر رسی کی مدد سے مبینہ پھندا لگاکر خودکشی کی ہے ، نارتھ کراچی بلال کالونی سیکٹر 7A میں گھر سے 24سالہ وحید اللہ ولد حبیب اللہ کی پھندا لگی کی لاش ملی جسے عباسی شہید منتقل کیا گیا،پولیس کے مطابق متوفی کے والد نے پولیس کو بتایا کہ انکا بیٹا نفسیاتی مریض اور کافی عرصے بیمار میں تھا،اسکی دو سال قبل شادی ہوئی تھی،متوفی کی اولاد نہیں ہے اور اسکی اہلیہ کام کرتی ہے،۔ متوفی نے گھر کے اندر الیکٹرک تار کی مددسے پنکھے سے لٹک کر مبینہ خودکشی کی ہے ، دریں اثنا پرانا گولیمار بینظیر پارک کے اندر سے50سالہ نامعلوم نشے کے عادی شخص کی لاش ملی، جسے پولیس نے ریسکیو ایمبولینس کے ذریعے سول اسپتال منتقل کیا، بعدازاں ضروری کارروائی کے بعد لاش سردخانے منتقل کرادی، پولیس کاکہنا ہےکہ فوری طور پرلاش کی شناخت نہیں ہوسکی،وجہ موت نشے کی زیادتی بتائی جاتی ہے ۔
