فہد مصطفیٰ نے ثنا جاوید کو نام لے کر کہا کہ وہ اب مزید ان کے لیے لڑکے نہیں نکالیں گے، ایک بار وہ ان کے لیے لڑکا نکال چکے ہیں۔
اداکار و ٹی وی میزبان فہد مصطفیٰ کی جانب سے اپنے ٹی وی گیم شو میں اداکارہ ثنا جاوید کو مزید لڑکا تلاش نہ کرنے کا طعنہ دینے کی ویڈیو وائرل ہوگئی۔
ثنا جاوید حال ہی میں عدنان صدیقی کے ہمراہ فہد مصطفیٰ کے گیم شو ’جیتو پاکستان‘ میں شریک ہوئیں۔
ماضی میں بھی ثنا جاوید متعدد بار مذکورہ شو میں شرکت کر چکی ہیں جب انہیں ماضی میں شادی سے قبل شعیب ملک کے ہمراہ بھی اسی شو میں دیکھا جاتا رہا تھا۔
ثنا جاوید اور شعیب ملک کو ایک ساتھ گیم شو میں بلانے کے بعد ہی ان کے درمیان تعلقات استوار ہوئے اور بعد ازاں دونوں نے پہلی شادیاں طلاق پر ختم کرکے ایک دوسرے سے شادی کرلی تھی۔
ثنا جاوید اور شعیب ملک کے درمیان تعلقات کا طعنہ فہد مصطفیٰ کو دیا جاتا رہا ہے اور اب انہوں نے اپنے گیم شو میں مذاق میں اداکارہ کو بھی ایسا ہی طعنہ دیا، جس کی ویڈیو وائرل ہوگئی۔
گیم شو کے ایک سیگمنٹ کے دوران جب فہد مصطفیٰ نے ثنا جاوید کو کھیل کے لیے پنڈال میں بیٹھے لوگوں میں سے چند لڑکوں کو بلانے کا کہا تو اداکارہ نے کہا انہیں لڑکے نظر نہیں آ رہے۔
اداکارہ کی بات پر فہد مصطفیٰ نے انہیں پنڈال میں بیٹھے لڑکے دکھائے اور پھر انہیں طعنہ بھی دیا کہ وہ اداکارہ کے لیے لڑکے نہیں نکالیں گے۔
فہد مصطفیٰ نے ثنا جاوید کو نام لے کر کہا کہ وہ اب مزید ان کے لیے لڑکے نہیں نکالیں گے، ایک بار وہ ان کے لیے لڑکا نکال چکے ہیں۔
فہد مصطفیٰ کی بات پر ثنا جاوید نے مسکراکر میزبان کا بازو پکڑ کر انہیں مروڑا اور ان دونوں کی ویڈیو وائرل ہوگئی۔
سوشل میڈیا صارفین نے دونوں کی ویڈیو پر تبصرہ کرتے ہوئے دونوں کو آڑے ہاتھوں لیا اور یہ بھی لکھا کہ ثنا جاوید کو کیوں پروگرام میں بلایا گیا؟
بعض افراد نے لکھاکہ اب فہد مصطفیٰ ساری عمر ثنا جاوید کو ایسے ہی طعنے دیتے رہیں گے۔
کچھ افراد نے ثنا جاوید کو دوسروں کے گھر توڑنے والی خاتون قرار دیتے ہوئے لکھا کہ وہ انہیں زہر لگتی ہیں، انہیں پروگرام میں بلانا ہی نہیں جانا چاہیے۔
==========================
فہد مصطفیٰ کا ثناء جاوید پر لائیو شو میں طنز
ثناء جاوید نے فہد مصطفیٰ کو روکنے کی کوشش کی
پاکستانی ڈرامہ انڈسٹری کے معروف اداکار فہد مصطفیٰ نے رمضان کے اسپیشل گیم شو کے دوران اداکارہ ثناء جاوید کو طنز کا نشانہ بنایا، جس کے بعد سوشل میڈیا پر مختلف ردعمل دیکھنے کو ملے۔
فہد مصطفیٰ، جو کئی سالوں سے ڈرامہ انڈسٹری میں کام کر رہے ہیں، نے گیم شو کی ہوسٹنگ کے ذریعے اپنی زندگی کا نیا سفر شروع کیا ہے۔ وہ ان چند اداکاروں میں شامل ہیں جو ہر میدان میں کامیاب ہوئے ہیں، چاہے وہ اداکاری ہو، شو ہوسٹنگ ہو، یا فلم اور ڈرامہ سازی۔
شجاع اسد اور سلمان خان کے موازنے پر بھارتی مداح برہم
فہد مصطفیٰ کا رمضان گیم شو ہر سال کی طرح اس سال بھی شروع ہوا ہے۔ اس شو میں مختلف شہروں کی ٹیموں کو شوبز کی مشہور شخصیات کی قیادت حاصل ہے، جن میں ثناء جاوید، شعیب ملک، شائستہ لودھی، عدنان صدیقی اور سرفراز احمد جیسے بڑے نام شامل ہیں۔
اس شو کی خاص بات یہ ہے کہ ہر سال شو میں شامل ہونے والے جوڑے شادی کے لڈو بھی کھاتے ہیں، جیسے کہ اس بار ثناء جاوید اور شعیب ملک نے لائف پارٹنرز کے طور پر شو کا حصہ بن کر اس روایت کو برقرار رکھا ہے۔
تاہم، حالیہ شو میں فہد مصطفیٰ نے ثناء جاوید پر طنز کرتے ہوئے کہا کہ ”یہاں بہت سے لڑکے موجود ہیں، ہجوم میں دیکھیں! لیکن اب میں آپ کے لیے مزید لڑکے نہیں ڈھونڈوں گا ایک تو میں پہلے ہی ڈھونڈ چکا ہوں!“۔ اس طنز کے بعد، ثناء جاوید نے فہد مصطفیٰ کو روکنے کی کوشش کی، مگر یہ لمحہ کیمرے میں قید ہو چکا تھا۔
مارک زکربرگ کا پرانا ’ہوڈی‘ نیلامی میں 41 لاکھ سے زائد میں فروخت
یہ کلپ سوشل میڈیا پر وائرل ہوگیا اور صارفین نے اس پر ملے جلے ردعمل ظاہر کیے۔ کچھ لوگوں کا کہنا تھا کہ فہد مصطفیٰ کا طنز مناسب تھا اور وہ اس کے مستحق تھے، جبکہ کچھ نے اس پر تنقید کی۔ ایک صارف نے تبصرہ کیا کہ ثناء جاوید کو شادی کے فوراً بعد اس گیم شو میں شامل نہیں ہونا چاہیے تھا۔
ثناء جاوید کی شوبز کی دنیا میں شروعات بطور ماڈل ہوئی اور بعد ازاں انہوں نے ڈراموں میں اداکاری کے ذریعے شہرت حاصل کی۔ ان کے مشہور ڈراموں میں ”خانی“، ”رسوائی“، اور ”ڈنک“ شامل ہیں۔
ان کی ذاتی زندگی میں 2023 میں گلوکار عمیر جیسوال سے طلاق کے بعد 2024 میں پاکستانی کرکٹر شعیب ملک سے شادی ہوئی۔ ان کی شادی پر سوشل میڈیا پر مختلف ردعمل دیکھنے کو ملا، خاص طور پر شعیب اور ثانیہ مرزا کی طلاق کے بعد بعض صارفین نے اس کا ملبہ ثناء جاوید پر ڈالا۔
entertainment
lifestyle
شخصیات
==========================
جیتو پاکستان میں ’48 لاکھ کی گاڑی‘ نکل آئی
اے آر وائی ڈیجیٹل کے مقبول شو ’جیتو پاکستان‘ میں 48 لاکھ کی گاڑی نکل آئی۔
اے آر وائی ڈیجیٹل پر گزشتہ روز جیتو پاکستان کا رمضان میں پہلا پروگرام نشر کیا گیا جس میں موٹر سائیکلوں سمیت ڈھیروں انعامات بانٹیں گے اور اسی پروگرام میں دو خواتین لبنیٰ اور فاطمہ کی 48 لاکھ کی گاڑی بھی نکلی۔
ویڈیو میں گاڑی نکلنے پر لبنیٰ نامی لڑکی کو خوشی سے سرشار دیکھا جاسکتا ہے۔
اداکارہ ثنا جاوید، فہد مصطفیٰ اور عدنان صدیقی کی جانب سے مبارکباد دیتے دیکھا جاسکتا ہے۔
میزبان نے لبنیٰ اور فاطمہ کو گاڑی میں بٹھا کر تھوڑی اسٹیج پر گاڑی بھی چلائی اور اس دوران شو میں شریک لوگ بھی تالیاں بجاتے دکھائی دیے۔
واضح رہے کہ افطار کے بعد جیتو پاکستان اے آر وائی ڈیجیٹل پر نشر کیا جاتا ہے جس میں شہریوں کی بڑی تعداد شرکت کرتی ہے اور مقابلوں میں حصہ لے کر ڈھیر سارے انعامات بھی جیتتے ہیں۔
================================
