ھیوسٹن سمیت امریکہ بھر میں غیر قانونی تارکین وطن کے خلاف امریکی محکمہ امیگریشن کا کریک ڈاون جاری ہے
کریک ڈاون کے دوران گرفتار ہونے والے پاکستانیوں کی تعداد 17 بتائی جاتی ہے
ایک ہفتے کے دوران 8 پاکستانیوں اور 18 افغان باشندوں کو ملک بدر کیا گیا ہے
غیر قانونی طور پر امریکہ میں داخلے کے دوران گرفتار ہونے والے جیلوں میں مقید پاکستانیوں کی تعداد 170 بتائی جاتی ہے
ریاست ٹیکساس کے شہر ڈیلاس سے بھی سید رضوی نامی پاکستانی کو گرفتاری کے بعد ملک بدر کیا گیا ہے
ھیوسٹن سے کامران جیلانی کی رپورٹ
ھیوسٹن سمیت امریکہ بھر میں غیر قانونی تارکین وطن کے خلاف امریکی محکمہ امیگریشن کا کریک ڈاون جاری ہے جس کے دوران گرفتار ہونے والے پاکستانیوں کی تعداد 17 بتائی جاتی ہے جبکہ ایک ہفتے کے دوران 8 پاکستانیوں اور 18 افغان باشندوں کو بھی ملک بدر کیا گیا ہے
معتبر سرکاری ذرائع کے مطابق غیر قانونی طور پر امریکہ میں داخلے کے دوران گرفتار ہونے والے پاکستانیوں کی تعداد 170 بتائی جاتی ہے جو کہ جیلوں میں مقید ہیں اور عدالتوں سے اپنی قسمت کے فیصلے کے منتظر ہیں
ریاست ٹیکساس کے شہر ڈیلاس سے بھی سید رضوی نامی پاکستانی کو گرفتاری کے بعد ملک بدر کیا گیا ہے
56 سالہ سید رضوی کو ایک ٹریفک اسٹاپ کے دوران 31 جنوری کو گرفتار کیا گیا تھا جبکہ 24 جنوری کو امریکی جج نے اس کو ملک بدر کرنے کا حکم نامہ جاری کیا تھا
سید رضوی 20 ستمبر 2017 کو امریکہ آیا تھا اور ویزے کی معیاد ختم ہونے کے باوجود واپس پاکستان نہیں گیا تھا
ھیوسٹن میں کریک ڈاون کے دوران محکمہ امیگریشن کی ٹیم نے ایک تعمیراتی سائٹ پر چھاپہ مارکر 120 غیر قانونی تارکین وطن مزدوروں کو بھی گرفتار کیا ہے
