لاڑکانہ سے رپورٹ کررہے ہیں عاشق پٹھان
مدینہ پاک میں پاکستان کے نامور شخصیت سماجی رہنما ڈاکٹر کامل میمن کو سلام پیش کیا جاتا ہے۔
سندھ دھرتی کی ڈیپلائی میمن کمیونٹی نے دنیا بھر میں مختلف شعبوں میں کامیاب پروفیشنل کے طور پر اپنی پہچان بنائی ہے۔ انہی میں سے ایک ڈیپلائی میں پیدا ہونے والے ڈاکٹر کامل میمن ہیں۔ ڈاکٹر کامل میمن نے لیاقت میڈیکل کالج جامشورو سے گریجویشن مکمل کرنے کے بعد کچھ عرصہ سندھ میں بطور ڈاکٹر مسیحائی کے شعبے میں خدمات انجام دیں، لیکن جلد ہی سعودی عرب کی حکومت کے محکمہ صحت میں شمولیت اختیار کی۔ وہ گزشتہ سترہ سالوں سے مدینہ منورہ میں سعودی حکومت کے ایک اسپتال میں بطور سینئر میڈیکل آفیسر خدمات انجام دے رہے ہیں۔
ڈاکٹر کامل میمن صرف ایک ڈاکٹر ہی نہیں بلکہ ایک سماجی کارکن بھی ہیں۔ وہ مدینہ شریف، جو محبوبِ خدا حضرت محمد مصطفیٰ ﷺ کا شہر ہے، میں سندھ اور پاکستان سے آنے والے حاجیوں اور زائرین کی خدمت بھی کرتے ہیں۔
گزشتہ کچھ دن پہلے ڈاکٹر کامل میمن پاکستان آئے، جہاں اسلام آباد، راولپنڈی اور لاہور میں ان کے اعزاز میں تقریبات منعقد کی گئیں۔ اس کے بعد جب وہ سندھ پہنچے تو کراچی، حیدرآباد، جھڈو اور میرپورخاص میں دوستوں نے ان سے محبت کا اظہار کیا۔ ان کی سماجی خدمات کے اعتراف میں سندھ اسمبلی نے انہیں خوش آمدید کہا اور انہیں خراج تحسین پیش کیا گیا اللہ تعالیٰ ڈاکٹر صاحب کے علم عمل میں مزید برکت عطا فرمائے آمین یارب العالمین
