مدرسۃ المدینہ میرواہ گورچانی دعوت اسلامی کی جانب سے قرآن پاک کو اپنے دلوں میں محفوظ کرنے والے حفاظِ کرام اور ناظرہ مکمل کرنے والے 80 سے زائد طلباء میں اسناد تقسیم کی تقریب منعقد کی گئی

میرپورخاص
رپورٹ
تحسین احمد خان
مدرسۃ المدینہ میرواہ گورچانی دعوت اسلامی کی جانب سے قرآن پاک کو اپنے دلوں میں محفوظ کرنے والے حفاظِ کرام اور ناظرہ مکمل کرنے والے 80 سے زائد طلباء میں اسناد تقسیم کی تقریب منعقد کی گئی-تقریب میں دعوت اسلامی کے ضلعی و مقامی ذمہ داران، میرواہ گورچانی کی سماجی و سیاسی شخصیات اور عاشقان رسول کی کثیر تعداد نے شرکت کی.اجتماع سے دعوت اسلامی کے انٹرنیشنل مبلغ اور رکنِ شوریٰ حاجی اطہر عطاری نے بیان کرتے ہوئے کہا کہ ناظرہ و حفظ قرآن کی سعادت حاصل کرنے والے طلباء اور ان کے والدین کو مبارکباد پیش کرتے ہیں-قرآن پاک کی تعلیمات کو عام کرنے کے لئے دعوت اسلامی کی خدمات جاری و ساری رہیں گی-یہ وہ بچے ہیں جنہوں نے دعوت اسلامی کے مدارس میں یہ سعادتیں حاصل کیں ہیں. اپنے بچوں کو اسلامی ماحول دیں اور دین کی جانب راغب کریں تاکہ دنیا و آخرت میں بھلائیاں نصیب ہوں ساتھ ہی ساتھ ہمارے بچے منفی سرگرمیوں سے بچ سکیں-اجتماع کے اختتام پر حفاظ کرام کی دستار بندی کی گئی جبکہ ناظرہ پاک مکمل کرنے والے بچوں میں اسناد تقسیم کی گئیں، اور آخر میں وطنِ عزیز پاکستان اور تمام امت مسلمہ کے حق میں خیروعافیت و برکت کی خصوصی دعائیں بھی مانگی گئی