میرپورخاص
رپورٹ
تحسین احمد خان
ہندو مذہب سے تعلق رکھنے والی حیدرآباد کی رہائشی نوجوان لڑکی آرتی میگھواڑ نے میرپورخاص پہنچ کر اپنے پریمی لڑکے راجہ میگھواڑ سے 21/1/2025 کو مقامی لال مندر اور میرپورخاص کی عدالت میں شادی کرلی ہے-شادی کے بعد لڑکی آرتی کے والد نے مبینہ اغوا کی جھوٹی ایف آئی آر لڑکے راجہ پر داخل کروائی گئی ہے اس موقع پر پریمی جوڑے نے میڈیا نمائندوں سے بات کرتے ہوئے الزام لگایا کہ لڑکی کے رشتیداروں کی جانب سے راجہ ولد کشور پر اغوا کے کیس کی وجہ سے لڑکی آرتی نے ہائی کورٹ میرپورخاص میں 164 کا بیاں ریکارڈ کروایا ہے کہ مجھے راجہ نے اغوا نہیں کیا ہے میں نے اپنی رضا مندی سے لال مندر اور میرپورخاص کی عدالت میں شادی کرلی ہے اور اپنے شوھر راجہ کے ساتھ رھنا چاھتی ہوں۔اب میرے رشتیدار جن میں اشوک،سنیل، پرکاش، ھیرو،کشور، جیرام، تماچی، ساگر اور ھرچند میگھواڑ کی جانب سے ہمیں جان سے مارنے کی دھمکیاں مل رہی ہیں اور راجہ کے قریبی رشتیداروں پر جھوٹے جھگڑے کرنے کا الزام لگا کر ایف ائی ار داخل کروانا چاھتے ہیں اور ہمیں حراساں کیا جا رہا ہے۔ ہندو مذہب سے تعلق رکھنے والے پریمی جوڑے نے ائی جی سندھ پولیس،ڈی جی رینجرز،ڈی آئی جی میرپورخاص اور ایس ایس پی میرپورخاص سمیت دیگر قانون نافذ کرنے والے اداروں سے تحفظ فراہم کرنے کی اپیل کی ہے ۔
