ہمدرد یونی ورسٹی کے 27ویں کانووکیشن کے موقع پر چانسلر محترمہ سعدیہ راشد مہمان خصوصی سابق سینیٹر جاوید جبار کو شیلڈ پیش کررہی ہیں ساتھ میں وائس چانسلر پروفیسر ڈاکٹر شبیب الحسن بھی موجود ہیں
================
ہمدرد کے تحقیقی منصوبے وسیع دنیا کے لئے بہت اہمیت رکھتے ہیں‘ سینیٹر جاوید جبار
آج فارغ و تحصیل ہونیوالے طلبہ کواپنی عملی زندگی میں چیلنجز کا مقابلہ کرنے کیلئے اعتماد سے آگے بڑھنا ہوگا، سعدیہ راشد
گزشتہ مالی سال میں یونیورسٹی نے ہونہار طلبہ کو 159ملین روپے کی اسکارلر شپ دی ہیں،پروفیسرڈاکٹر شبیب الحسن
ہمدرد یونی ورسٹی کے 27ویں جلسہئ تقسیمِ اسناد میں تقریباً 1,700طلبہ کو اسناد،40گولڈ میڈلز دیئے گئے
کراچی(22فروری)ہمدرد یونی ورسٹی نے اپنے مرکزی کیمپس مدینتہ الحکمہ میں ہفتہ کو منعقدہ اپنے 27ویں جلسہئ تقسیمِ اسناد میں 1,695طلبا و طالبات اور اسکالرز کو ڈگریاں اور اسناد تقویض کیں۔ تقریباً 1,700ڈگری ہولڈرز میں سے 7اسکالرز کو پی ایچ ڈی اور 130کو ایم ایس، ایم ای اور ایم فل کی ڈگریاں دی گئیں۔ تقریب کی صدارت ہمدرد یونی ورسٹی کی چانسلر محترمہ سعدیہ راشد نے کی جب کہ سابق وفاقی وزیر اور سابق سینیٹر جاوید جبار مہمان خصوصی تھے۔ مختلف کورسز میں بہترین کار کردگی کے اعتراف میں تقریباً 40طلبا وطالبات کو گولڈ میڈل عطاء کئے گئے۔ ہمدرد یونی ورسٹی کی تاریخ میں پہلی مرتبہ بہترین استاد کا ایوارڈ بھی دیا گیا۔ اس ایوارڈ کے لئے ہمدردکالج آف میڈیسن کے وائس پرنسپل پروفیسر ڈاکٹر سید محمد مبین کا انتخاب کیاگیا۔جبکہ بہترین محقق کا ایوارڈ حافظ عمران کو دیا گیا۔ مہمان خصوصی سابق سینیٹر جاوید جبار نے اپنے خطاب میں کہا کہ ہمدرد کے تحقیقی منصوبے وسیع دنیا کے لئے بہت اہمیت رکھتے ہیں۔انہوں نے کہا کہ آج فارغ و تحصیل طلبہ اپنے آپ کو خوش نصیب سمجھیں کہ آپ نے ایک ایسے ملک میں اعلیٰ تعلیم حاصل کی ہے جہاں لاکھوں بچے ناگزیر وجوہات کی بنا پر اسکول نہیں جاپاتے۔ انہوں نے گریجویٹس پر زور دیا کہ وہ بھرپور اعتماد کے ساتھ زندگی میں آگے بڑھیں۔ جاوید جبار نے ریسرچ کے میدان میں ہمدرد یونی ورسٹی کی کارکردگی کو سراہا۔اس موقع پر چانسلر سعدیہ راشد نے اپنے صدارتی خطاب میں کہا کہ یونیو رسٹی سے فارغ و تحصیل ہونے والے طلبہ کواپنی عملی زندگی میں نا صرف چیلنجز کا مقابلہ کرنا پڑے گا بلکہ انہیں اعتماد کے ساتھ آگے بڑھنا ہوگا۔ انہوں نے گریجویٹس پر زور دیا کے وہ بانی چانسلر حکیم محمد سعید کے وژن کے مطابق قوم کی خدمت کے لئے اپنے عزم کی تجدید کریں۔قبل ازیں وائس چانسلر پروفیسر ڈاکٹر سید شبیب الحسن نے اپنے خطاب میں کہا کہ ہمدرد یونی ورسٹی دنیا کی مسابقت کو مد نظر رکھتے ہوئے 100سے زائد پروگرامز پیش کررہی ہے جو کہ ہائر ایجوکیشن کمیشن اور دیگر پیشہ ورانہ ریگولیٹری اداروں کی طرف سے فراہم کردہ رہنما اصولوں کے مطابق سات فیکلٹیز کے ذریعے پیش کئے جارہے ہیں۔ انہوں نے کہا کہ 2024میں یونی ورسٹی کے فیکلٹی ممبران نے 294تحقیقی مقالے تحریر کئے جو ایچ ای سی کی طرف سے تسلیم شدہ جرائد میں شائع ہوئے۔ انہوں نے کہا کہ گزشتہ 5سالوں میں ان ریسرچ پیپرز کی تعداد ایک ہزار سے تجاوز کر چکی ہے۔ وائس چانسلر پروفیسرڈاکٹر شبیب الحسن نے کہا کہ انجینئرنگ، سائنسزاور ٹیکنالوجی کی فیکلٹی نے مصنوعی ذہانت (AI)کی ایک لیباٹری قائم کی ہے جو جدید ترین ٹیکنالوجی سے لیس ہے۔ انہوں نے بتایا کہ گزشتہ مالی سال میں یونی ورسٹی نے سینکڑوں ہونہار طلبہ کو 159ملین روپے کی مراعات/اسکارلر شپ فراہم کی ہیں۔ جب کہ اس سال پاس آؤٹ ہونے والے 1,700طلبہ یونی ورسٹی کے 36ہزار سابق طلبہ کی فہرست میں شامل ہو رہے ہیں۔ جلسہئ تقسیمِ اسناد کے آغاز میں رجسٹرار کلیم احمد غیاث نے چانسلر نے کانووکیشن کی روداد پیش کی۔
